Nau Mprơ Ơm 62:9 - Nau Brah Ndu Ngơi 2023

⁹ Nanê̆ phung bu mâu yơk knŏng jêng nsôr n'hâm dơm, Phung bu yơk knŏng nau dơm dam; Djôt dơm ta klơ njing, khân păng n'gơch tâm ban rsau. Lĕ rngôch n'gơch lơn tâm ban ma n'hâm.

Nau Mprơ Ơm 62:9 ပူးပေါင်းရင်းမြစ်များ

II Samuel 15:31

Bu mbơh ma Y-Đavit: “Y-Ahitôpel đŏng gŭ tâm phung tâm nchră ndrel ma Y-Apsalôm.” Y-Đavit mbơh sơm: “Ơ Brah Yêhôva! Dăn ƀư ma tâm nchră kan Y-Ahitôpel jêng nau rluk.”

II Samuel 15:6

Y-Apsalôm ƀư tâm ban lĕ ma lĕ rngôch phung Israel văch joi ma hađăch ma nau phat dôih; pônây, Y-Apsalôm ndơm sŏk nuih n'hâm phung Israel.

II Phung Hađăch 19:14

Y-Hêsêkia sŏk dơn samƀŭt bơh phung mbơh jao tâm ti păng. Răk lôch jêh, hađăch hăn hao ro ma ngih Brah Yêhôva, jêh ri ling samƀŭt tanăp Brah Yêhôva.

Nau Mprơ Ơm 116:11

Tâm nau uh ah, gâp lah pô aơ: “Lĕ rngôch bunuyh jêng mƀruh da dê.”

Nau Mprơ Ơm 118:9

Ueh lơn nde krap tâm Brah Yêhôva, Đah rnơm nsing ma phung kon hađăch.

Nau Mprơ Ơm 142:3

Tơlah huêng gâp rgănh huơi, May gĭt rah vah jêh trong gâp. Tâm trong gâp hăn. Khân păng tâm nchră ndrel ƀư dăk sân gâp.

Nau Mprơ Ơm 39:11

Tơlah May nduyh phung kon bunuyh yor djơh mhĭk, May ƀư roh lêk nau ueh păng nâm bu nchiăr bon: Nanê̆ nau rêh bunuyh jêng dơm dam! (Sêla)

Nau Mprơ Ơm 39:5

Aơ May ăn nar khay gâp jong tâm ban ma mpang ti, Jêh ri nau rêh gâp jêng dơm dam tanăp May; Di yơh, ăp nơm bunuyh nđâp lah gŭ nâp knŏng tâm ban ma nsôr n'hâm. (Sêla)

Nau Mprơ Ơm 46:2

Yor ri, hên mâu klach ôh, nđâp lah neh ntu geh nau rgâl, Yôk mpât n'gơ jêh ri bu klŭp tâm nklang dak mƀŭt.

Nau Mprơ Ơm 71:7

Gâp jêng nau hih rhâl ma lĕ rngôch bunuyh; Ƀiălah May jêng ntŭk nâp gâp nde krap.

Êsai 26:4

Rnơm nsing hom ma Brah Yêhôva ƀaƀơ n'ho ro, Yorlah Brah Yêhôva, Brah Yêhôva nơm, Jêng lŭ toyh ma lĕ rngôch rnôk rô̆!

Êsai 40:15

Aơ, lĕ bri dak jêng tâm ban ma du ntruh dak tâm thŭng, Tâm ban ma ndruyh neh ta klơ njing; Aơ, Păng mpư lĕ gôl dak mƀŭt hao tâm ban mpư du ndơ jê̆.

Êsai 40:17

Tanăp măt Păng, lĕ rngôch bri dak jêng tâm ban ma dơm dam, Păng uănh khân păng jêng hŏng dơm jêh ri dơm dam.

Daniel 5:27

Têkel jêng: Hađăch bu hŏ dơm jêh ta klơ njing jêh ri saơ djê̆ mâu tŏng.

Mathay 21:9

Phung bunuyh, nơm hăn panăp, bunuyh hăn tĭng pakơi troh huy ktang da dê: “Hôsana ma Kon Y-Đavit! Tâm rnê ma Nơm văch tâm amoh Kôranh Brah! Hôsana ta ntŭk dŭt prêh!”

Yôhan 19:15

Khân păng lŭng nter: “Ngroh lơi Păng, ngroh lơi Păng! Pâng păng ma kđĭn ta si tâm rkăng!” Pilat lah: “Gâp mra pâng hađăch khân may ta si tâm rkăng lah?” Phung kôranh ƀư brah toyh plơ̆ lah: “Hên mâu hôm geh hađăch êng ôh, knŏng Sêsar.”

Samƀŭt Pôl Njuăl Ăn Ma Phung Nsing Ta Ƀon Rôm 3:4

Mâu mâp tâm ban pônây ôh! Brah Ndu jêng nanê̆ ngăn, nđâp tơlah lĕ rngôch bunuyh mƀruh da dê, nâm bu nchih jêh: “Gay ma Kôranh Brah uănh dơn may sŏng srăng tâm nau Păng ngơi, Jêh ri geh nau dơi tơlah bu phat dôih may.”

I Samuel 1:15

H'Anna plơ̆ lah: “Hơi kôranh gâp, mâu di pônây! Gâp jêng du huê bu ur geh nau rngot rvê êng tâm nuih n'hâm. Gâp mâu geh nhêt ndrănh ôh mâu lah nhêt lĕ ntil ndơ ƀư nhŭl, ƀiălah gâp tâm mpơl lĕ nuih n'hâm gâp tanăp măt Brah Yêhôva.

I Samuel 18:5

Tơlah Y-Đavit hăn tâm lơh, lĕ ntŭk Y-Sôl prơh păng hăn, păng dơi jêng da dê. Pôri Y-Sôl n'hao kan ma păng jêng kôranh chiă uănh toyh ma phung tahan. Păng dơi ƀư maak ma lĕ rngôch phung ƀon lan jêh ri phung oh mon Y-Sôl.

I Samuel 18:7

Phung bu ur nây ƀă kdŏ ƀă mprơ tâm ơh ndrăng khân păng pô aơ: “Y-Sôl nkhĭt jêh âk rbăn nuyh, Bi Y-Đavit nkhĭt jêh âk rmưn nuyh!”

I Samuel 23:12

Y-Đavit ôp tay: “Phung ƀon lan Keila jao gâp jêh ri phung tĭng ndô̆ gâp tâm ti Y-Sôl lĕ?” Brah Yêhôva lah: “Khân păng mra jao khân may.”