Nau Mprơ Ơm 62:4 - Nau Brah Ndu Ngơi 2023

⁴ Khân păng knŏng tâm nchră gay ma ƀư rlâm lơi păng bơh ntŭk bu yơk. Khân păng rŏng ma nau mƀruh, Bâr mbung ăn nau ueh uĭn Ƀiălah tâm nuih n'hâm khân păng rak rtăp. (Sêla)

Nau Mprơ Ơm 62:4 ပူးပေါင်းရင်းမြစ်များ

Nau Mprơ Ơm 119:163

Gâp tâm rmot jêh ri tâm rmot ngăn ma nau mƀruh, Ƀiălah gâp rŏng ma nau vay May.

Nau Mprơ Ơm 28:3

Lơi ta têk gâp hăn ndrel ma phung janh ktang Mâu lah phung ƀư djơh, Jêng phung ngơi đăp mpăn ma phung chiau meng khân păng, Ƀiălah tâm trôm nuih n'hâm bêng ma nau djơh mhĭk.

Nau Mprơ Ơm 5:9

Yorlah trôm mbung khân păng mâu nanê̆, Nuih n'hâm khân păng bêng ma nau ƀư rai, Ko khân păng nâm bu môch pơk lơi, Mpiăt khân păng ngơi ma nau nklă.

Nau Mprơ Ơm 51:6

Aơ, May ŭch nau nanê̆ ngăn tâm nuih n'hâm; May mra nti gâp ma nau blau mĭn ta ntŭk jru ndâp tâm nuih n'hâm gâp.

Nau Mprơ Ơm 52:3

May rŏng nau mhĭk âk lơn ma nau ueh, Rŏng ngơi nau mƀruh rlau lơn ma nau sŏng srăng. (Sêla)

Nau Mprơ Ơm 55:21

Bâr mbung păng mbĭr tâm ban ma dak ngi Ƀiălah tâm nuih n'hâm nchră mĭn nau tâm lơh. Nau ngơi păng ueh lơn ma ngi Ƀiălah jêng đao tŏk rơm lơi jêh.

Nau Hôr 13:5

Bunuyh sŏng srăng tâm rmot ma nau ngơi mƀruh, Bunuyh djơh mhĭk di ma bu tâm rmot jêh ri bêk prêng.

Nau Hôr 6:17

Măt sưr rlau, mpiăt nchơt, Ti ƀư pling mham bunuyh mâu geh nau tih,

Êsai 30:13

Yor ri đah khân may, Nau tih aơ tâm ban ma ntŭk trôm đang mpơl ta klơ pêr prêh, Dăch rlâm tŭp ƀât lât, tâm ntơ̆ măt.

Ndrom Samƀŭt bơh Ôsê 7:3

Khân păng sŏk nau djơh mhĭk khân păng ƀư maak nuih n'hâm hađăch, Sŏk nau mƀruh ƀư di nuih n'hâm phung kôranh.

Mathay 2:16

Tơlah hađăch Hêrôt gĭt ma phung njêh rlăm ma păng, păng ji nuih hâu ngăn, đă bu nkhĭt lơi lĕ rngôch phung kon se jê̆ bu klâu ntơm bơh jê̆ tât bar năm tâm ƀon Ƀêtlêhem jêh ri lam n'gor nây, tĭng di ngăn nar khay phung njêh mbơh ma Păng.

Mathay 22:15

Dôl nây phung Pharisi hăn luh, tâm chră ndrăng khân păng, ƀư dăk sân Brah Yêsu tâm nau ngơi.

Mathay 22:23

Tâm nar nây, phung Sađusê, jêng phung mpôl lah mâu geh nau dâk rêh tay, khân păng văch ta Brah Yêsu jêh ri ôp:

Mathay 27:1

Tât ôi, lĕ rngôch phung kôranh ƀư brah toyh jêh ri phung bu ranh phung ƀon lan tâm nchră tâm rdâng đah Brah Yêsu gay nkhĭt lơi Păng.

Luka 11:39

Yor ri, Kôranh Brah lah: “Phung Pharisi khân may rao kloh padih ngan grưng jêh ri ngan khăl, ƀiălah tâm trôm bêng ma nau kơnh rlau ir jêh ri djơh mhĭk.

Luka 20:20

Pôri, khân păng uănh nđôi Brah Yêsu jêh ri njuăl phung uănh n'hut n'hi săk ƀư bunuyh sŏng, ŭch ngơi ƀrôk Păng tâm nau Păng ngơi, gay jao Păng ma phung kôranh chiă uănh jêh ri ma kôranh toyh chiă uănh.

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Samƀŭt Pôl Njuăl Ăn Ma Phung Nsing Ta Ƀon Rôm 1:32

Khân păng rlau ma gĭt nau vay Brah Ndu hŏ nal pô aơ ma mbu nơm ƀư lĕ nau tih pônây jêng khư khĭt. Pôri, mâu di knŏng khân păng nơm ƀư lĕ nau nây, ƀiălah khân păng tâm di ndrel ma phung êng ƀư tâm ban đŏng.

Samƀŭt Pôl Njuăl Ăn Ma Phung Nsing Ta Ƀon Rôm 7:22

Yorlah tâm trôm nuih n'hâm, gâp răm maak ma nau vay Brah Ndu;

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.