Nau Mprơ Ơm 62:3 - Nau Brah Ndu Ngơi 2023

³ Ndah jŏ khân may hăn lơh ma du huê bunuyh? Lĕ rngôch khân păng tâm rgum gay ma lơh rlâm bu Nâm bu mpir ngih nkêng, tâm ban pêr bơi ma cha lôt lĕ?

Nau Mprơ Ơm 62:3 ပူးပေါင်းရင်းမြစ်များ

Nau Mprơ Ơm 125:1

Phung rnơm nsing ma Brah Yêhôva jêng nâm bu yôk Siôn, Mâu n'gơ n'găr ôh ƀiălah gŭ n'ho ro.

Nau Mprơ Ơm 140:2

Jêng phung nchră ŭch ƀư nau mhĭk tâm nuih n'hâm, Jêh ri ăp nar ŭch nau tâm lơh.

Nau Mprơ Ơm 16:8

Gâp ăn Brah Yêhôva dâk tanăp gâp; Gâp mâu mra mpât n'gơ ôh yorlah păng gŭ mpeh pa ma gâp.

Nau Mprơ Ơm 18:3

Brah Yêhôva khư ma bu tâm rnê, Gâp kuăl mbơh sơm ma Păng, Jêh ri dơi rklaih jêh tă bơh lĕ phung rlăng đah gâp.

Nau Mprơ Ơm 21:11

Nđâp tơlah khân păng ŭch ƀư tâm rdâng ma Kôranh Brah Khân păng mĭn ƀư nau ƀai, ƀiălah khân păng mâu dơi jêng ôh.

Nau Mprơ Ơm 38:12

Phung joi ŭch nkhĭt gâp, sân dăk ma gâp Lĕ phung ŭch ƀư mhĭk ma gâp ngơi nau ƀư rai ƀaƀơ, Jêh ri ŭch ndơm gâp ăp nar.

Nau Mprơ Ơm 4:2

Ơ kon bunuyh, nau khưm gâp ndah jŏ bu mra ƀư nau bêk prêng? Khân may rŏng nau dơm dam jêh ri ndah jŏ tĭng joi nau mƀruh? (Sêla)

Nau Mprơ Ơm 82:2

“Khân may phat dôih mâu sŏng Jêh ri ndah nâm jŏ koh dŏng phung mhĭk? (Sêla)

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 16:28

Brah Yêhôva lah ma Y-Môis: “Khân may mâu djôt prăp ôh nau vay ntăm jêh ri nau Gâp ntĭm tât ndah nâm jŏ?

Nau Hôr 1:22

“Hơi phung rluk, khân may rŏng nau rluk kŏ tât ndah dŭt jŏ? Phung mưch mra rŏng ma nau tâm mưch Jêh ri phung rluk mra tâm rmot ma nau blau mĭn kŏ tât ndah nâm jŏ?

Nau Hôr 6:9

Hơi bunuyh ƀlao, ndah nâm jŏ may hôm gŭ bê̆ch mro? Ndah nâm jŏ may kah rngăl?

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Ndrom Samƀŭt bơh Ôsê 7:15

Nđâp tơlah Gâp hŏ nti jêh ri ƀư ktang nting tur ti khân păng, Khân păng ăt mĭn ma nau mhĭk tâm rdâng đah Gâp.

Mathay 17:17

Brah Yêsu plơ̆ lah: “Hơi ndŭl mpôl mâu chroh jêh ri dăng bôk, ndah nâm jŏ Gâp mra gŭ ndrel đah khân may? Ndah nâm jŏ Gâp mra nsrôih dơn đah khân may? Njŭn leo hom kon se nây ma Gâp.”

Kôranh Oh Mon 24:9

Phung Yuđa geh tâm di du ai nuih n'hâm đah nau phong nây jêh ri lah nanê̆ di ngăn kơt nây.

I Samuel 26:10

Y-Đavit ngơi lah đŏng: “Nanê̆ tĭng nâm Brah Yêhôva gŭ rêh mro mrăng, Brah Yêhôva mra dong păng, mâu lah tơlah tât nar păng khĭt êng, mâu lah tơlah păng hăn tâm lơh mra rai lôch.