Nau Mprơ Ơm 62:1 - Nau Brah Ndu Ngơi 2023

¹ Huêng gâp gŭ rlu mpăn ntŭk du huê Brah Ndu; Nau tâm rklaih gâp văch tă bơh Păng.

Nau Mprơ Ơm 62:1 ပူးပေါင်းရင်းမြစ်များ

I Nau Rêh Jêng 25:1

Y-Đavit jêh ri phung kôranh pah kan tâm ngih brah rnglah êng đŏng phung ƀaƀă kon bu klâu Y-Asap, phung ƀaƀă kon bu klâu Y-Hêman, jêh ri phung ƀaƀă kon bu klâu Y-Jêduthun ma kan mra mbơh lor ndrel ma nau uh n'hôm kreh gong rêng, jêh ri rgu dang nteh. Amoh phung pah kan nây jêh ri kan khân păng pô aơ:

I Nau Rêh Jêng 25:3

Tâm phung kon Y-Jêduthun geh Y-Gêdalia, Y-Sêri, Y-Êsai, Y-Hasabia, Y-Matithia, jêh ri Y-Simei; lĕ rngôch jêng prao nuyh pah kan tâm dâng nau dơi mbơ̆ khân păng jêng Y-Jêduthun, Y-Jêduthun nơm mbơh lor ndrel ma nau uh n'hôm ma nau tâm rnê jêh ri mât ton ma Brah Yêhôva.

Nau Mprơ Ơm 121:2

Nau kơl gâp luh bơh Brah Yêhôva; Jêng Nơm rhăk njêng trôk jêh ri neh ntu.

Nau Mprơ Ơm 123:2

Nâm bu măt phung oh mon Uănh ta ti kôranh bu klâu khân păng. Nâm bu măt phung oh mon bu ur Uănh ta ti kôranh bu ur păng, Tâm ban pônây lĕ măt hên kâp gân ma Yêhôva Brah Ndu hên, Kŏ tât Păng yô̆ nđach ma hên.

Nau Mprơ Ơm 25:5

Dăn leo gâp tâm nau ngăn May jêh ri ntĭm nti gâp, Yorlah May jêng Brah Ndu, Nơm rklaih gâp; Ăp nar gâp kâp gân May.

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Nau Mprơ Ơm 33:20

Huêng hên gŭ kâp Brah Yêhôva; Păng jêng tu sâm kơl jêh ri jêng khêl ma hên.

Nau Mprơ Ơm 37:39

Nau tâm rklaih phung sŏng srăng văch tă bơh Brah Yêhôva; Păng jêng pôih nâp khân păng tâm rnôk rêh ni.

Nau Mprơ Ơm 37:7

Gŭ rklăk hom tanăp Brah Yêhôva jêh ri gŭ kâp ma Păng. Lơi ăn rngot may nơm yor du huê bunuyh dơi jêng tâm trong păng Mâu lah bunuyh ƀư lĕ nau ŭch ƀư mhĭk.

Nau Mprơ Ơm 39:1

Gâp lah pô aơ: “Gâp mra prăp lĕ trong gâp, Gay prăp mpiăt gâp mâu ƀư tih: Tơlah dôl phung mhĭk gŭ tanăp gâp, Gâp mra mêm lơi trôm mbung gâp.

Nau Mprơ Ơm 40:1

Gâp srôih kâp gân Brah Yêhôva, Păng rkêng tôr iăt bâr gâp kuăl dăn.

Nau Mprơ Ơm 62:2

Knŏng du huê Păng jêng lŭ toyh jêh ri nau tâm rklaih gâp; Jêng ntŭk gâp gŭ krap tâm ban lĕ; gâp mâu mra geh nau mpât n'gơ ôh.

Nau Mprơ Ơm 65:1

Ơ Brah Ndu, Ta ƀon Siôn, khư nau mprơ tâm rnê ma May Jêh ri djôt prăp nau ton jêh ma May.

Nau Mprơ Ơm 77:1

Gâp kuăl nter đah Brah Ndu, Sŏk bâr rle mpeh ma Brah Ndu jêh ri dăn Păng rkêng tôr ma gâp.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 40:31

Ƀiălah mbu nơm kâp gân tâm Brah Yêhôva nanê̆ mra geh nau dăng ktang mhe, Mpăr hao prêh tâm ban ma klang, Nchuăt mâu hŏt rgănh ôh, Hăn mâu huăr rgănh ôh.

Yêrêmi 3:23

Nau yơk mbah klơ lĕ dor prêh Jêh ri nau drơu drơu ăp yôk nanê̆ knŏng jêng nau mƀruh nchơt. N'hêl nanê̆, knŏng tâm Yêhôva Brah Ndu hên Ri mơ geh nau tâm rklaih ăn phung Israel.

Nau Nhĭm Vơl 3:25

Brah Yêhôva mpơh nau ueh ăn ma phung kâp gân Păng, Ndrel ma mbu huêng tĭng joi Păng.

Nau Nhĭm Vơl 3:38

Di lĕ bơh mbung Nơm Dŭt Prêh Luh du n'ho ma nau mhĭk nđâp ma nau ueh?

Yakơ 5:7

Yor ri, hơi oh nâu, srôih hom ma tât nar Kôranh Brah plơ̆ văch. Uănh hom bunuyh kan mir gŭ kâp play kao khlay tă bơh neh, srôih kŏ tât nôk geh dak mih bôk rah jêh ri dak mih dŭt yan.