Nau Mprơ Ơm 61:7 - Nau Brah Ndu Ngơi 2023

⁷ Ăn păng gŭ ta sưng hađăch ƀaƀơ tanăp Brah Ndu; Dăn May ntrŭnh nau ueh jêh ri nau nanê̆ ngăn May mât mray păng.

Nau Mprơ Ơm 61:7 ပူးပေါင်းရင်းမြစ်များ

Nau Ntơm 24:27

jêh ri lah: “Lah ueh ma Brah Yêhôva, jêng Brah Ndu Y-Abraham jêng kôranh gâp! May geh nau ueh mro jêh ri răp jăp đah kôranh gâp! Bi ma gâp, Brah Yêhôva hŏ njŭn leo trong gâp tât ta ngih oh nâu kôranh gâp.”

Nau Ntơm 32:10

Gâp mâu khư ôh đah nau rŏng jêh ri nau răp jăp May hŏ prăp jêh ma oh mon May. Nôk gâp rgăn dak krong Y-Yurdan gâp geh knŏng mâng jra dơm, ƀiălah nar aơ gâp hŏ geh bar phung bunuyh jêh ri drăp ndơ aơ.

II Samuel 7:26

Dăn amoh May bu tâm rnê mro mrăng, jêh ri bu lah pô aơ: Brah Yêhôva ma phung tahan jêng Brah Ndu phung Israel. Ăn nau chiă uănh Y-Đavit, jêng oh mon May, dơi nâp ngăn ngên tanăp măt May!

Nau Mprơ Ơm 21:5

Yor nau Kôranh Brah tâm rklaih, păng geh nau chrêk rmah toyh; May nsoh ma păng nau yơk jêh ri nau rnam.

Nau Mprơ Ơm 40:11

Ơ Brah Yêhôva! Lơi rhuăt ôh Nau yô̆ nđach May ma gâp; Ăn nau ueh jêh ri nau nanê̆ ngăn May Mât mray gâp ƀaƀơ.

Nau Mprơ Ơm 41:12

May kuăn rdâng gâp yor nau sŏng gâp; May njêng gâp gŭ nâp tanăp May n'ho ro.

Nau Mprơ Ơm 43:3

Dăn nau ang jêh ri nau ngăn May sol ang Gay njŭn leo gâp ƀă, Njŭn gâp hao ta yôk kloh ueh, Jêng ntŭk May gŭ.

Nau Mprơ Ơm 57:3

Păng ăn nau tâm rklaih ma gâp tă bơh trôk. Ăn ma phung tŭn jot mra geh nau bêk prêng, nau ƀơ̆ ƀơch. (Sêla) Brah Ndu ăn nau ueh jêh ri nau răp jăp Păng ma gâp.

Nau Hôr 20:28

Nau ueh jêh ri nau nanê̆ ngăn king hađăch; Hađăch sŏk nuih n'hâm ueh tâm kơl sưng hađăch bri dak păng.

Mika 7:20

May mra tâm mpơl nau răp jăp ngăn ma Y-Yakôb Jêh ri nau ueh ăn ma Y-Abraham, Jêng nau May sơm ton ma phung chô yau hên Ntơm bơh rnôk saơm.

Luka 1:33

Păng mra jêng chiă uănh n'ho ro ngih Y-Yakôp; ƀon bri hađăch Păng mra hôm mro mrăng n'ho ro.”

ហេឞ្រើ 9:24

Yorlah Brah Krist mâu lăp ôh tâm ntŭk kloh ueh bơh ti bunuyh ƀư, jêng rup ntŭk kloh ueh ngăn, ƀiălah Păng lăp jêh ƀon ueh klơ trôk, gay aƀaơ aơ Păng tâm tang he hăn tât tanăp Brah Ndu.