Nau Mprơ Ơm 61:2 - Nau Brah Ndu Ngơi 2023

² Bơh ntŭk dŭt bri neh, gâp kuăl ma May Yorlah nuih n'hâm gâp rêh ni. Njŭn gâp tât ta lŭ toyh Prêh lơn ma gâp.

Nau Mprơ Ơm 61:2 ပူးပေါင်းရင်းမြစ်များ

Nau Mprơ Ơm 142:3

Tơlah huêng gâp rgănh huơi, May gĭt rah vah jêh trong gâp. Tâm trong gâp hăn. Khân păng tâm nchră ndrel ƀư dăk sân gâp.

Nau Mprơ Ơm 143:4

Yor nây huêng gâp rgănh huơi, Nuih n'hâm gâp uh ah.

Nau Mprơ Ơm 17:1

Ơ Brah Yêhôva! Dăn gŭ iăt jêh ri sek uănh nau sŏng srăng ma gâp; Gŭ iăt nau gâp nter; Dăn rkêng tôr ma nau gâp mbơh sơm, Tă bơh bâr mbung mâu geh nau ndơm ôh.

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 18:46

Brah Yêhôva gŭ rêh mro mrăng! Lŭ Toyh khư ma gâp mât ton tâm rnê! Dăn Brah Ndu nau tâm rklaih gâp geh nau yơk!

Nau Mprơ Ơm 27:5

Yorlah tâm nar rêh ni, Păng mra king n'gang tâm ngih bok Păng, Pôn gâp ntŭk ndâp tâm ngih bok Păng, Jêh ri Păng mra dơm gâp ta klơ du mlâm lŭ toyh.

Nau Mprơ Ơm 40:2

Păng djôt gâp hao bơh ntu ƀư rai. Bơh nung bŏk rhuh. Păng dơm jâng gâp ta klơ lŭ toyh Jêh ri ƀư ăn nhuat gâp jêng nâp.

Nau Mprơ Ơm 42:6

Ơ Brah Ndu gâp! Huêng gâp rdja tâm nuih n'hâm gâp; Bơh bri neh Yurdan, bơh yôk Hermôn Jêh ri bơh dor Mitsar, Gâp kah gĭt tât ma May.

Nau Mprơ Ơm 43:5

Ơ huêng gâp, mâm ƀư may rdja nuih n'hâm jêh ri uh ah tâm săk jăn gâp? Kâp gân hom tâm Brah Ndu; Gâp mra mprơ tâm rnê Păng đŏng: Yorlah Păng jêng Brah Ndu gâp jêh ri yor mâp măt Păng gâp dơi tâm rklaih.

Nau Mprơ Ơm 55:5

Nau klach jêh ri nau râm nsâr tât ƀư ma gâp, Nau ndrŏt hŏ nkŭm jêh gâp.

Nau Mprơ Ơm 62:2

Knŏng du huê Păng jêng lŭ toyh jêh ri nau tâm rklaih gâp; Jêng ntŭk gâp gŭ krap tâm ban lĕ; gâp mâu mra geh nau mpât n'gơ ôh.

Nau Mprơ Ơm 62:6

Knŏng du huê Păng yơh jêng lŭ toyh gâp jêh ri nau tâm rklaih gâp, Jêng ntŭk gâp nde krap; gâp mâu mra geh nau mpât n'gơ ôh.

Nau Mprơ Ơm 77:3

Gâp kah gĭt ma Brah Ndu jêh ri gâp mra uh ah, lŭng nter; Huêng gâp huăr jêh. (Sêla)

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 54:11

“Ơ phung rêh ni, nơm phŭt sial ktang rpuh đô̆, jêh ri nơm mâu geh bonh leng ôh, Aơ, gâp sŏk lŭ saphir ƀư lŭ gay ndâk ngih may, Jêh ri gâp mra dơm mbon may ma lŭ ônik.

Luka 22:44

Tâm nau rngot rvê dŭt hâu, Păng mbơh sơm dŭt n'hâm ngăn, dak rhal Păng jêng tâm ban ma mham lĕ truh ta neh.

Nau Vay Nkah Tay 4:29

Ƀiălah bơh ntŭk nây đŏng khân may mra joi Yêhôva Brah Ndu jêh ri ndah nâm jŏ khân may joi Păng ma lĕ nuih n'hâm, ma lĕ huêng, pôri khân may mra tâm mâp đah Păng.