Nau Mprơ Ơm 60:5 - Nau Brah Ndu Ngơi 2023

⁵ Gay ma nơm May rŏng dơi geh nau tâm rklaih. Dăn May mplơ̆ lah nau hên dăn jêh ri sŏk ti ma May tâm rklaih hên.

Nau Mprơ Ơm 60:5 ပူးပေါင်းရင်းမြစ်များ

Nau Mprơ Ơm 127:2

Dơm dam ngăn yơh ma nơm rngeh măng dâk ơm, Jêh ri sa ƀănh hŏt rgănh. Tâm ban lĕ Brah Ndu ăn đŏng nau hăk bê̆ch. Ma phung Păng rŏng nâm bu pônây.

Nau Mprơ Ơm 17:7

Ơ Nơm tâm rklaih mbu nơm gŭ nde krap tâm ti ma May, Klaih bơh phung rlăng khân păng, Dăn tâm mpơl nau ueh khlay ngăn ngên May.

Nau Mprơ Ơm 18:35

Kôranh Brah ăn jêh khêl nau tâm rklaih ma gâp; Ti ma Kôranh Brah kuăn rdâng gâp Jêh ri nau ueh May hŏ ƀư jêh ma gâp jêng toyh.

Nau Mprơ Ơm 20:6

Abaơ gâp gĭt Brah Yêhôva tâm rklaih nơm Păng troch dak ngi; Tă bơh trôk ntŭk kloh ueh Păng mra plơ̆ lah nau hađăch mbơh sơm Ma nau brah tâm rklaih bơh ti ma Păng.

Nau Mprơ Ơm 22:8

“Păng jao păng nơm ma Brah Yêhôva, ăn May tâm rklaih păng; Yorlah May rŏng ma păng, ăn May tâm rklaih păng!”

Nau Mprơ Ơm 60:12

Rnơm Brah Ndu, phung kon mra dơi đah tâm lơh toyh; Yorlah Păng yơh mra jot plên phung rlăng đah hên.

Nau Mprơ Ơm 71:20

May jêng Nơm hŏ ƀư jêh ma hên saơ âk nau rêh ni, hâu ngăn, May mra ƀư ăn hên dơi dâk rêh tay Jêh ri njŭn hên hao luh Bơh ntu jru tâm neh ntu.

Nau Mprơ Ơm 74:11

Mâm ƀư May rhuăt lơi ti, nây jêng ti ma May? Ăn yơr hom ti jêh ri ƀư rai lơi khân păng!

Nau Mprơ Ơm 75:9

Ƀiălah gâp mra mbơh nau nây ƀaƀơ, Mra mprơ tâm rnê lah ueh ma Brah Ndu Yakôb.

Nau Ngluh Êjipt 15:6

Ơ Brah Yêhôva! Ti ma May chrat ang nau rnam. Ơ Brah Yêhôva! Ti ma May ƀư rai jêh phung rlăng.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 51:17

Ơ ƀon Yêrusalem, Kah rngăl hom, kah rngăl hom jêh ri dâk hom may! May hŏ nhêt jêh kachok nau Păng ji nuih, Bơh ti Brah Yêhôva, Nhêt kŏ lĕ jêh Tâm khăl ăn hăn ndĭt ndiu.

Yêrêmi 11:15

Nơm Gâp rŏng hŏ ƀư nau mhĭk hôm lăp ngih Gâp moh ndơ gay ƀư đŏng? Gĭt lah âk puăch kloh ueh dơi king may klaih bơh nau tât ji tưp jêh ri ƀư ăn may dơi răm maak lĕ?

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Mathay 3:17

Aơ, geh bâr ngơi tă bơh trôk lah: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”

Nau Vay Nkah Tay 33:12

Ma phung Benjamin, Y-Môis lah: “Nơm Brah Yêhôva rŏng ngăn ngên, Mra dơi rêh đăp mpăn dăch Păng. Kôranh Brah n'gang khân păng du njăr rêh, Jêh ri gŭ ta nklang dor yôk khân păng.”

Nau Vay Nkah Tay 33:3

Kôranh Brah rŏng ma phung ƀon lan Păng, Lĕ rngôch phung kloh ueh gŭ tâm ti Kôranh Brah, Mbah yơk tâm dâng jâng May Gay sŏk dơn nau ngơi May ntĭm nti jêh.