Nau Mprơ Ơm 60:3 - Nau Brah Ndu Ngơi 2023

³ May ăn ma phung ƀon May dơn nau rêh ni, Ăn ma hên nhêt du ntil ndrănh nhŭl ji bôk.

Nau Mprơ Ơm 60:3 ပူးပေါင်းရင်းမြစ်များ

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Nau Mprơ Ơm 71:20

May jêng Nơm hŏ ƀư jêh ma hên saơ âk nau rêh ni, hâu ngăn, May mra ƀư ăn hên dơi dâk rêh tay Jêh ri njŭn hên hao luh Bơh ntu jru tâm neh ntu.

Nau Mprơ Ơm 75:8

Yorlah tâm ti Brah Yêhôva geh du mlâm kachok Bêng ma rlŭk ndrănh, mpŭnh mbuh, Păng kêt lơi kachok nây. Lĕ rngôch phung mhĭk gŭ ta neh ntu mra nhêt da dê, Mra nhêt suăt ndrănh nây kŏ tât djah.

Nau Mprơ Ơm 80:4

Ơ Yêhôva Brah Ndu ma phung tahan, Ndah hôm jŏ May ji nuih ma nau phung ƀon lan May mbơh sơm?

Nau Mprơ Ơm 80:8

Ntơm bơh n'gor Êjipt, May djôt sĭt jêh du mlâm tơm krăk ƀâu; May mprơh phung mpôl băl jêh ri tăm tơm nây.

Nau Mprơ Ơm 85:5

May mra ji nuih ma hên mro mrăng lĕ? Nau May ji nuih mra jŏ jong tât ma lĕ rngôch rnôk hĕ?

Nau Mprơ Ơm 89:39

May ƀư rai jêh nau tâm rnglăp đah oh mon May; May ƀư ƀơ̆ đon hađăch păng tâm ndruyh neh.

Êsai 51:17

Ơ ƀon Yêrusalem, Kah rngăl hom, kah rngăl hom jêh ri dâk hom may! May hŏ nhêt jêh kachok nau Păng ji nuih, Bơh ti Brah Yêhôva, Nhêt kŏ lĕ jêh Tâm khăl ăn hăn ndĭt ndiu.

Êsai 51:22

Kôranh Brah jêng Brah, Yêhôva, Brah Ndu may Jêng Nơm ngơi n'gang ma phung ƀon lan Păng, lah pô aơ: “Aơ, Gâp sŏk lơi jêh kachok nau hăn ndĭt ndĭl bơh ti may, Jêng kachok nau Gâp ji nuih; May mâu mra nhêt đŏng ôh.

Yêrêmi 25:15

Yêhôva Brah Ndu phung Israel hŏ lah ma gâp pô aơ: “May sŏk hom kachok ndrănh nau ji nuih aơ bơh ti Gâp, jêh ri ăn lĕ rngôch bri dak Gâp prơh may hăn nhêt kachok nây.

Nau Nhĭm Vơl 4:21

Hơi kon bu ur Êđôm, gŭ tâm bri Us, Maak răm rhơn hom; Ƀiălah kachok ji nuih mra tât ta may, May mra nhŭl ndrănh jêh ri gŭ săk hưl.

Daniel 9:12

May ƀư ngăn jêh lĕ nau mbơh ma hên jêh ri lĕ phung kôranh phat dôih hŏ phat dôih jêh hên, nkhŭt nau rêh ni toyh ta klơ hên, nkrit toyh kŏ tât lam neh ntu mâu mâp geh ôh nau mhĭk tâm ban nau mhĭk hŏ ăn tât jêh ta klơ ƀon Yêrusalem.

Habakuk 2:16

May mra bêng ma nau prêng yor ntrok ma nau chrêk rmah. Nhêt hom may nơm jêh ri gay mpơl nau ê hŏ ŭch koh ntâu. Kachok Brah Yêhôva djôt tâm ti ma Mra tât ăn ma may, Jêh ri nau bêk prêng mra ntrok nau chrêk ma lơp may.

Nau Tâm Mpơl 16:19

Ƀon dŭt toyh tâm pă jêng pe; bi lĕ ƀon toyh tâm ntil mpôl bunuyh rlâm lĕ. Brah Ndu kah gĭt ma ƀon Babilôn dŭt toyh, gay ma ăn păng nhêt kachok ndrănh nau Păng ji nuih hâu ngăn.

Nau Tâm Mpơl 18:16

lah pô aơ: “Rêh ni ngăn! Rêh ni ngăn! Hơi ƀon dŭt toyh ri hŏ tă nsoh jêh bok mhay rhên, chăng krăk, chăng, nkrơ̆ ma mah, lŭ khlay jêh ri lŭ rmah!