Nau Mprơ Ơm 60:2 - Nau Brah Ndu Ngơi 2023

² May ăn neh ntu mpât n'găr, ƀư ma păng jêng đang; Aƀaơ, ăn May nkra tay lĕ ntŭk đang yor păng n'gơ.

Nau Mprơ Ơm 60:2 ပူးပေါင်းရင်းမြစ်များ

II Samuel 22:8

Rnôk aơ neh ntu n'găr mpât jêh ri n'goh n'gơ, Mbon lĕ ndâr trôk n'găr mpât Jêh ri n'gơ n'găr yorlah Păng ji nuih.

II Samuel 8:1

Jêh nau nây, Y-Đavit dơi đah phung Philistin, tŭn jot khân păng jêh ri pit sŏk nau dơi chiă uănh lĕ ƀon tă bơh ti phung Philistin.

I Nau Rêh Jêng 18:12

Y-Abisai, kon H'Sêruya, tâm lơh đah phung Êđôm tâm rlŭng Boh, jêh ri nkhĭt du rmưn pham rbăn bunuyh.

I Nau Rêh Jêng 18:3

Y-Đavit dơi đŏng đah Y-Hadadêser, hađăch ƀon Sôba, mpeh ma Hamat, dôl păng hăn ƀư ăn nâp nau chiă uănh tât ta dak krong Ơphrat.

I Nau Rêh Jêng 18:5

Tơlah phung Aram bơh Damas văch ŭch kơl ma Y-Hadadêser, hađăch Sôba, Y-Đavit nkhĭt bar rmưn bar rbăn nuyh tahan tâm phung Aram.

II Nau Rêh Jêng 7:14

tơlah phung ƀon lan Gâp, jêng phung ƀon lan dơi kuăl ma amoh Gâp, dêh rhêt êng khân păng nơm, mbơh sơm, joi muh măt Gâp jêh ri chalơi trong djơh mhĭk, nôk nây tă bơh klơ trôk Gâp mra rkêng tôr iăt, yô̆ an nau tih khân păng jêh ri ƀư bah n'gor bri khân păng.

Ndrom Samƀŭt bơh Yôp 5:18

Yorlah păng ƀư ăn sôt, ƀiălah Păng put tay; Păng lơh ji, ƀiălah ti Păng ƀư bah tay.

Ndrom Samƀŭt bơh Yôp 9:6

Păng ƀư mbon neh n'găr mpât, Jêh ri lĕ meh păng n'goh n'gơ;

Nau Mprơ Ơm 104:32

Păng uănh ma neh, neh mpât n'gơ; Păng pah tât yôk, yôk luh nhhŭk ŭnh.

Nau Mprơ Ơm 114:7

Ơ neh ntu, râm sâr hom tanăp Kôranh Brah, Tanăp Brah Ndu Yakôb,

Nau Mprơ Ơm 18:7

Rnôk aơ neh ntu n'găr mpât, Mbon lĕ yôk n'gơ n'găr tâm ban lĕ yorlah Păng ji nuih ngăn.

Nau Mprơ Ơm 89:40

May hŏ ƀư cha lôt lĕ jêh mpêr ƀon păng, Ƀư rai lĕ pôih n'gang păng.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Êsai 7:8

Yorlah bôk Aram jêng Damas, Bôk Damas jêng Y-Rêsin. (Tâm prao jât ma prăm năm, phung Êphraim mra rai, khân păng mâu hôm jêng du phung ƀon lan đŏng ôh).

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 14:17

May ngơi hom ma khân păng nau aơ: ‘Ăn ma măt gâp hoch dak nar măng mâu dơi rlu; Yorlah bu ur druh ƀon lan gâp bu lơh mâu hôm klen, Sôt rmanh jru glăm ngăn.

Yêrêmi 30:17

Brah Yêhôva lah: ‘Gâp mra ăn tay n'hâm suan ma may, Ƀư bah sôt rmanh may, Yorlah khân păng ntơ may jêng nơm bu hŏ mƀăr lơi jêh: “Nây jêng ƀon Siôn, mâu geh bunuyh meng tât!”’

Yêrêmi 4:24

Gâp n'gơr uănh lĕ yôk, khân păng mâu mpât n'gơ da dê, Ăp dor prêh n'găr nsâr da dê.

Yêrêmi 48:38

Tâm ăp ta klơ chor ngih Môap, tâm ntŭk nhuang ƀon mâu geh padih nau nhĭm vơl, yorlah Gâp hŏ mbang chah jêh bri Môap nâm bu du mlâm yăng bu mâu hôm ŭch đŏng ôh.” Brah Yêhôva lah pônây.

Nau Nhĭm Vơl 2:13

Hơi bu ur druh Yêrusalem, Moh ndơ gâp ƀư gay mbơh nkoch ăn ma may? Mbu đah ay tâm rđĭl? Hơi bu ur druh Siôn, Moh ndơ gâp sŏk tâm rđĭl đah may gay ma bonh leng ay? Nau mhĭk may toyh nâm bu dak mƀŭt. Mbu nơm dơi ƀư bah?

Êsêkiêl 34:16

Gâp mra joi biăp lĕ nhhơt roh, têk mplơ̆ sĭt biăp bu mprơh, biăp geh rmanh put săm ăn bah jêh ri ƀư ma phung lĕ huăr dơi jêng ktang. Ƀiălah Gâp mra ƀư rai lơi phung biăp lay jêh ri ktang. Gâp mra chiă uănh khân păng ma nau sŏng srăng.

Ndrom Samƀŭt bơh Ôsê 6:1

“Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Amôt 8:8

Neh mra rung răng yor nau kan nây lĕ? Jêh ri lĕ rngôch ƀon lan gŭ ta nây mâu mra nhĭm nhhiăng lĕ? Lĕ bri neh mra hao ler lip nâm bu dak krong Nil, Păng mra mpât n'gơ jêh ri rhuh hŭch nâm bu dak krong n'gor bri Êjipt nây lĕ.”

Habakuk 3:10

Lĕ rngôch yôk saơ Păng klach krit da dê; Lĕ n'hor dak hoch thăng ngăn Hoch rbuh mro mrăng, Brŏng jru nteh n'gôr dak, jêh ri yơr ti leo klơ.

Mathay 27:51

Jêh ri, ri bok nching tâm ngih brah nkhêk jêng bar ntơm bơh klơ jŭr tât tâm dâng, neh n'gơ n'găr, lŭ klêr đang;