Nau Mprơ Ơm 60:10 - Nau Brah Ndu Ngơi 2023

¹⁰ Ơ Brah Ndu, mâu di hĕ May chalơi jêh hên? Ơ Brah Ndu, May mâu hôm hăn tâm lơh ndrel ma phung tahan hên đŏng hĕ?

Nau Mprơ Ơm 60:10 ပူးပေါင်းရင်းမြစ်များ

II Samuel 8:2

Hađăch dơi đah phung tahan Môap, đă khân păng bê̆ch ta klơ neh jêh ri veh ma rse: veh bar bông rse jêh ri nkhĭt, veh du bông rse ăn ma rêh. Pôri ăn phung Môap pah kan jêh ri chê̆ pi ma Y-Đavit.

II Samuel 8:6

Jêh ma nây, Y-Đavit njêng pôih ta ƀon Damas n'gor Aram; phung Aram pah kan jêh ri chê̆ pi ma Y-Đavit. Ta ntŭk Y-Đavit hăn tât, pôri Brah Yêhôva ăn păng dơi.

Nau Mprơ Ơm 108:11

Ơ Brah Ndu, mâu di hĕ May yơh jêng Nơm chalơi jêh hên? Ơ Brah Ndu, May mâu hôm hăn tâm lơh ndrel ma phung tahan hên đŏng.

Nau Mprơ Ơm 20:7

Bunuyh aơ rnơm nsing ma ndeh, bunuyh êng rnơm nsing ma seh, Ƀiălah he rnơm nsing ma amoh Brah Yêhôva jêng Brah Ndu he.

Nau Mprơ Ơm 60:1

Ơ Brah Ndu! May chalơi jêh hên, May ăn hên jêng du pru pra; May nuih jêh ma hên. Ƀiălah aƀaơ njŭn leo hên plơ̆ tay.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Nau Vay Nkah Tay 1:42

Brah Yêhôva hŏ jêh ma gâp: ‘Lah hom ma khân păng: Lơi hăn hao jêh ri lơi tâm lơh ôh, yorlah Gâp mâu gŭ ôh ta nklang khân may; tơlah hăn hao nây, phung rlăng mra dơi lơh đah khân may.’

Nau Vay Nkah Tay 20:4

yorlah Yêhôva Brah Ndu khân may, jêng Nơm hăn ndrel ma khân may, gay hăn lơh phung rlăng jêh ri rklaih khân may.’

Yôsuê 10:42

Y-Yôsuê nhŭp lĕ phung hađăch nây jêh ri pit sŏk bri khân păng knŏng hăn lơh du tơ̆ dơm, yorlah Yêhôva Brah Ndu phung Israel tâm lơh an ma phung Israel.

Yôsuê 7:12

Yor ri, phung ƀon lan Israel mâu dơi tâm rdâng đah phung rlăng khân păng ôh, khân păng nchuăt ndôn kơi panăp phung rlăng khân păng, yorlah phung Israel lĕ jêng ndơ bu prăp ma nau ƀư rai. Tơlah khân may mâu ntlơi lơi lĕ ndơ bu prăp ma nau ƀư rai nây, Gâp mâu hôm gŭ ndrel ma khân may đŏng ôh.