Nau Mprơ Ơm 6:10 - Nau Brah Ndu Ngơi 2023

¹⁰ Lĕ phung rlăng đah gâp mra bêk prêng jêh ri klach krit; Khân păng plơ̆ rŭch ndal, nau đit ƀât lât.

Nau Mprơ Ơm 6:10 ပူးပေါင်းရင်းမြစ်များ

II Phung Hađăch 20:5

“Plơ̆ tay hom lah ma Y-Hêsêkia, kôranh ma phung ƀon lan Gâp, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ jêh dak măt may hoch. Aơ, Gâp mra ƀư bah may; tât nar rơh pe, may mra hăn hao ma ngih Brah Yêhôva.

Ndrom Samƀŭt bơh Yôp 6:29

Gâp dăn khân may mĭn hom, lơi hôm geh nau mâu sŏng đŏng ôh. Mĭn tay hom, yorlah gâp hôm jêng bunuyh sŏng srăng.

Nau Mprơ Ơm 112:10

Bunuyh ƀai saơ nau nây jêh ri ji nuih, Rket sêk jêh ri roh rai; Nau phung ƀai ŭch mra rai lôch.

Nau Mprơ Ơm 132:18

Gâp mra sâm nsoh nau bêk ma phung rlăng păng; Ƀiălah đon hađăch ta klơ bôk may mra chrêk rmah.”

Nau Mprơ Ơm 2:5

Nôk nĕ tâm nau ji nuih, Păng mra nduyh khân păng, Tâm nôk ji nuih, Kôranh Brah ƀư khân păng klach krit.

Nau Mprơ Ơm 25:3

Ngăn yơh mâu geh du huê nơm rnơm nsing ma May geh nau bêk prêng; Knŏng phung gŭ nau tâm rlăng.

Nau Mprơ Ơm 35:26

Ŭch ma phung răm maak nau mhĭk tât ma gâp Mra geh nau bêk prêng jêh ri bêk prêng hâu ngăn. Mbu dâk tâm rdâng đah gâp ma nau sưr, Geh nau nkŭm ma nau bêk prêng jêh ri bu rmot da dê.

Nau Mprơ Ơm 5:10

Ơ Brah Ndu, dăn rmal lơi khân păng! Ƀư rai lơi khân păng tâm nau khân păng tâm nchră; Dăn mprơh lơi khân păng yorlah bêng ma nau tih mhĭk, Yorlah khân păng hŏ ƀư jêh nau tâm rdâng đah May.

Nau Mprơ Ơm 55:20

Phung mhĭk yơr ti tâm rdâng đah phung bunuyh gŭ đăp mpăn ndrel ma păng; Ƀư tih đah nau khân păng tâm rnglăp jêh.

Nau Mprơ Ơm 7:6

Ơ Brah Yêhôva, dăn dâk hom jêh ri ji nuih; Dăn tâm rdâng đah nau ji nuih ma phung rlăng gâp. Kah rngăl hom jêh ri kơl gâp; May hŏ nal jêh nau phat dôih.

Nau Mprơ Ơm 71:13

Ăn phung rlăng đah gâp geh nau bêk prêng jêh ri rai yot; Ăn ma phung joi nau ƀư mhĭk ma gâp Geh nau nkŭm ma nau bu mưch jêh ri nau ƀơ̆.

Nau Mprơ Ơm 71:24

Ăp nar mpiăt gâp nkoch nau sŏng srăng May Yorlah phung joi ƀư mhĭk ma gâp Lĕ bêk jêh ri bêk prêng ngăn.

Nau Mprơ Ơm 73:19

Ri, bu ƀư rai khân păng tâm ƀât lât, Nau klach toyh ƀư ma khân păng roh rai.

Nau Mprơ Ơm 86:17

Dăn May ăn du nau tâm mbên ma nau May yô̆ ma gâp Gay ma phung tâm rmot ma gâp dơi saơ nau mbên nây jêh ri bêk prêng, Yorlah Ơ Brah Yêhôva, May yơh hŏ kơl jêh ri bonh leng gâp.

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.