Nau Mprơ Ơm 59:5 - Nau Brah Ndu Ngơi 2023

⁵ Ơ Brah Ndu ma phung tahan, jêng Brah Ndu phung Israel. Dâk hom gay tâm rmal lĕ bri dak; Lơi ta yô̆ nđach ma phung ƀư mhĭk, mâu gŭ răp jăp. (Sêla)

Nau Mprơ Ơm 59:5 ပူးပေါင်းရင်းမြစ်များ

Nau Ntơm 33:20

Ta aơ, Y-Yakôb ndâk du mlâm nơng ƀư brah jêh ri rnha amoh jêng Êl Êlôhê Israel.

Nau Mprơ Ơm 54:3

Yorlah phung bu năch luh hao rdâng đah gâp, Bunuyh janh ƀai joi ƀư rai nau rêh gâp. Khân păng mâu ăn Brah Ndu gŭ tanăp măt khân păng. (Sêla)

Nau Mprơ Ơm 55:15

Ŭch ma nau khĭt tât ma khân păng gơnh ro! Ŭch ma khân păng hôm gŭ rêh mra tŭp tâm ƀon phung khĭt! Yorlah nau mhĭk gŭ tâm ngih khân păng jêh ri tâm nuih n'hâm khân păng.

Nau Mprơ Ơm 7:7

Ăn hom phung ƀon lan tâm rƀŭn jŭm May; Ta ntŭk prêh klơ May chiă uănh khân păng.

Nau Mprơ Ơm 80:4

Ơ Yêhôva Brah Ndu ma phung tahan, Ndah hôm jŏ May ji nuih ma nau phung ƀon lan May mbơh sơm?

Nau Mprơ Ơm 84:8

Ơ Yêhôva Brah Ndu ma phung tahan, dăn iăt nau gâp mbơh sơm; Ơ Brah Ndu Yakôb, dăn May rkêng tôr iăt. (Sêla)

Nau Mprơ Ơm 9:15

Phung ƀon lan tŭp jêh tâm ntu jru khân păng hŏ kuyh jêh; Jâng khân păng văk tâm nhuăl khân păng nơm nthăng jêh.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Ngluh Êjipt 3:15

Brah Ndu lah tay ma Y-Môis: “Ăn may ngơi ma phung ƀon lan Israel kơt aơ: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, njuăl jêh gâp văch ma khân may’: Aơ jêng amoh Gâp n'ho ro, Jêng amoh kah gĭt tâm lĕ rngôch rô̆.

Êsai 1:10

Ơ phung chiă uănh ƀon Sôdôm, Gŭ iăt hom nau Brah Yêhôva ngơi! Ơ phung ƀon lan Gômôrơ, Rkêng hom tôr iăt nau vay Brah Ndu he!

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Yêrêmi 18:23

Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Daniel 6:7

Lĕ rngôch phung kôranh toyh tâm ƀon bri hađăch, phung kôranh ntang, phung kôranh nkual, phung kôranh nchră jêh ri phung kôranh chiă uănh dăn da dê ma hađăch ƀư nau ntrŭnh jêh ri ăn du luh nau vay buay ktang mâu dơi ƀư tâm pe jât nar tơlah mbu nơm vơl ma brah mâu lah ma bunuyh êng padih may, ơ hađăch, nơm nây mra klŭp tâm trôm ntu yau mŭr.

Amôt 9:7

Kôranh Brah Yêhôva lah: “Hơi phung kon sau Israel, mâu di hĕ Gâp uănh khân may nâm bu kon sau phung Êthiôpi lĕ? Mâu di Gâp ngluh khân may luh du tă bơh n'gor bri Êjipt, Phung Philistin luh bơh bri Kaptôr, Jêh ri phung Siri luh bơh bri Kir?

Samƀŭt Pôl Njuăl Ăn Ma Phung Nsing Ta Ƀon Rôm 9:6

Ngơi tâm ban pônây mâu geh ntĭt jêng nau ngơi Brah Ndu jêng nau rai yot ôh. Yorlah mâu di lĕ rngôch luh bơh Israel jêng phung Israel.

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.