Nau Mprơ Ơm 58:9 - Nau Brah Ndu Ngơi 2023

⁹ Tâm ban bu su lok tâm ŭnh năk kơt nây lĕ Jêh ri Păng mra ăn sial phŭt khôm lơi khân păng, nđâp lah khân păng hôm ndrêh mâu lah lĕ ŭnh sa.

Nau Mprơ Ơm 58:9 ပူးပေါင်းရင်းမြစ်များ

Ndrom Samƀŭt bơh Yôp 18:18

Păng lĕ bu mprơh bơh nau ang gay lăp tâm ntŭk nau ngo, Jêh ri bu mprơh lơi bơh neh ntu.

Ndrom Samƀŭt bơh Yôp 27:21

Sial tă luh nar khôm n'hao păng hao jêh ri khôm n'ho roh; Sial khôm păng bơh ntŭk păng gŭ.

Ndrom Samƀŭt bơh Yôp 3:16

Mâm ƀư gâp mâu dơi tâp ndâp nâm bu rlêh ndŭl, Nâm bu du huê oh bê mhe deh ê hŏ mâp saơ ôh nau ang?

Nau Mprơ Ơm 10:2

Nau sưr rlau phung mhĭk hăn tĭng bunuyh o ach; Ăn khân păng tŭp tâm nau khân păng ŭch mĭn nchră hŏ ƀư jêh.

Nau Mprơ Ơm 10:5

Trong păng geh jêng nau ndrŏng ƀaƀơ; Nau Kôranh Brah phat dôih prêh ngăn, păng mâu dơi gĭt rbăng; Păng mưch lĕ rngôch phung rlăng đah păng.

Nau Mprơ Ơm 118:12

Khân păng gŭ jŭm gâp nâm bu me sŭt; Ƀiălah bu su khân păng nâm bu ŭnh sa lok; Ma amoh Brah Yêhôva gâp ƀư rai khân păng!

Nau Mprơ Ơm 55:23

Ơ Brah Ndu, phung ji hir mham jêh ri mƀruh ndơm Mâu mra dơi gŭ rêh n'gul mrô nar hŏ nal jêh ma păng, Kôranh Brah mra nklơ̆ khân păng Jŭr tâm ntu roh rai; Ƀiălah gâp ăt hôm rnơm nsing ma Păng.

Nau Hôr 1:27

Lah nau krit klach toyh tât ndal nâm bu phŭt chuănh, Nau mhĭk tât nâm bu phŭt sial ktang, Jêh ri nau o ach, nau uh ah tât ma khân may.

Nau Hôr 10:25

Lah phŭt sial chuănh lĕ lăn jêh, mâu hôm geh ôh phung ƀai, Ƀiălah mbon phung sŏng srăng gŭ nâp mro mrăng.

Nau Hôr 14:32

Bunuyh mhĭk roh rai yor nau djơh mhĭk păng, Ƀiălah bunuyh sŏng srăng tâm nôk khĭt ăt hôm e geh ntŭk nde.

Nơm Nti 7:6

Yorlah nau gơm phung rluk Nâm bu nteh long lok rtoh rĕk ƀrĕk tâm dâng glah. Nây ăt jêng nau dơm dam.

Êsai 17:13

Ngăn, phung mpôl băl bunuyh lŭng nter tâm ban ma âk n'hong dak nkhŭt djhu djhut, Ƀiălah nôk Kôranh Brah nduyh, khân păng nchuăt du ngai, Jêh ri bu nsot khân păng tâm ban ma sial khôm njŏk nja ta klơ yôk, Tâm ban ma ndruyh neh tâm phŭt chuănh.

Êsai 40:24

Khân păng mhe bu tăm, mhe bu srih, Tơm si mhe chăt reh tâm neh, Brah Yêhôva khôm n'hâm ta khân păng, jêh ri khân păng kro klêu ro; Aơ, trôm sial vănh blông khôm rdu khân păng tâm ban ma rhe.

Yêrêmi 23:19

Aơ, nau phŭt sial Brah Yêhôva Nây jêng nau Păng ji nuih hŏ hao ntoh, Nau phŭt sial vănh blông, Vănh trŭnh ta bôk phung ƀai.

Nau Kơp Bunuyh 16:30

Ƀiălah tơlah Brah Yêhôva ƀư du nau mhe; tơlah neh hă mbung păng jêh ri rvăn khân păng ndrel ma lĕ rngôch ndơ prăp ma khân păng, jêh nây tơlah khân păng hôm dôl rêh ƀiălah hăn jŭr tâm ƀon phung khĭt, pôri khân may mra gĭt ma phung aơ hŏ ngơi jêh sưr ma Brah Yêhôva.”