Nau Mprơ Ơm 58:4 - Nau Brah Ndu Ngơi 2023

⁴ Khân păng geh dak kăch tâm ban ma dak kăch bêh; Khân păng jêng tâm ban ma bêh ku ƀư tê̆k nsêt lơi tôr.

Nau Mprơ Ơm 58:4 ပူးပေါင်းရင်းမြစ်များ

Nau Ntơm 3:2

Bu ur lah ma bêh: “Hên dơi sa bơh lĕ play tơm si tâm n'gar trao,

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

Ndrom Samƀŭt bơh Yôp 20:14

Nâm bu ndơ sa mâu kah lăp tâm trôm khŭng proch, Nau djơh mhĭk mra jêng play măt bêh khu tâm trôm ndŭl păng.

Ndrom Samƀŭt bơh Yôp 20:16

Păng mra pu dak kăch bêh khu; Mpiăt bêh vǐt mra nkhĭt păng.

Nau Mprơ Ơm 140:3

Khân păng tôl mplanh mpiăt khân păng nâm bu mpiăt bêh, Ndôi khân păng geh dak kăch bêh ku. (Sêla)

Nau Mprơ Ơm 51:7

Dăn sŏk rkŭm hisôp ƀư kloh nau tih gâp ri mơ gâp mra jêng kloh rsang; Dăn May rao gâp jêh ri gâp mra jêng nglang lơn ma dak pler.

Nơm Nti 10:11

Tơlah bêh chôk êlor bu gru nđơh, Pôri nơm gru nđơh bêh mâu jêng khlay ôh.

Êsai 11:8

Kon se hôm pu toh pâl kreh êp trôm bêh rmâng, Kon se lơi jêh pu toh mra mbŭk ti lăp tâm trôm bêh vĭt.

Yêrêmi 8:17

“Aơ, Gâp mra njuăl bêh tât ta nklang khân may, Phung bêh rmâng bu mâu dơi ƀư nđơh păng ôh, Khân păng mra kăp khân may.” Brah Yêhôva lah pônây.

Mathay 23:33

Hơi phung bêh, ndŭl mpôl bêh kăch, mâm ƀư khân may dơi klaih bơh nau phat dôih tâm ndrung ŭnh?

Mathay 3:7

Dôl saơ âk phung Pharisi jêh ri phung Sađusê văch dơn nau ƀaptem, Y-Yôhan lah ma khân păng pô aơ: “Hơi mpôl ntil bêh rmâng, mbu mbơh jêh ma khân may gĭt gay nchuăt du nau ji nuih dăch tât?

Samƀŭt Pôl Njuăl Ăn Ma Phung Nsing Ta Ƀon Rôm 3:13

“Rmlông khân păng nâm bu trôm môch pơk huy;” “Khân păng dŏng mpiăt khân păng nơm mƀruh nchơt bu; Kăch bêh khih pôn tâm dâng ndôi khân păng.”

Nau Vay Nkah Tay 32:33

Ndrănh krăk ƀâu khân păng jêng dak kăch bêh, Dak kăch nkhĭt bunuyh bơh bêh ku.

Yakơ 3:8

ƀiălah mpiăt mâu geh nơm dơi blau buay păng ôh, du ntil ndơ djơh mhĭk mâu dơi njrăng, păng bêng ma dak kăch nkhĭt bunuyh.