Nau Mprơ Ơm 58:11 - Nau Brah Ndu Ngơi 2023

¹¹ Bu mra lah pô aơ: “Nanê̆ geh nau nkhôm ma nơm sŏng srăng, Nanê̆ ngăn, Brah Ndu dôl phat dôih tâm neh ntu.”

Nau Mprơ Ơm 58:11 ပူးပေါင်းရင်းမြစ်များ

Nau Mprơ Ơm 107:42

Phung sŏng mra saơ nau nây jêh ri răm maak; Bi phung djơh mhĭk mra mêm mbung da dê.

Nau Mprơ Ơm 18:20

Brah Yêhôva hŏ nkhôm jêh ma gâp tĭng nâm nau sŏng srăng gâp, Mplơ̆ ma gâp tĭng nâm nau kloh ti gâp.

Nau Mprơ Ơm 33:18

Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 52:8

Ƀiălah tâm ban ma tơm ôlive ndrêh ueh Tâm ngih Brah Ndu. Gâp rnơm nsing tâm nuih n'hâm ueh Brah Ndu Tât n'ho ro mâu blau lôch ôh.

Nau Mprơ Ơm 64:9

Lĕ rngôch bunuyh mra klach da dê, Khân păng mra mbơh nau kan Brah Ndu. Jêh ri gĭt rbăng rah vah nau păng ƀư jêh.

Nau Mprơ Ơm 67:4

Ăn lĕ rngôch bunuyh răm maak jêh ri hâk maak mprơ tâm rnê, Yorlah May mra phat dôih lĕ mpôl băl bunuyh ma nau sŏng Jêh ri njŭn leo lĕ bunuyh tâm neh ntu. (Sêla)

Nau Mprơ Ơm 68:24

Ơ Brah Ndu jêng Hađăch may, lĕ rngôch bunuyh hŏ saơ jêh phung hăn tâm groi ndrel vơt May, Du phung hăn tâm groi ndrel hăn lăp tâm ntŭk kloh ueh.

Nau Mprơ Ơm 9:16

Brah Yêhôva tâm mpơl êng Păng Nơm rgăn đah nau di; Phung mhĭk geh dăk yor ti khân păng nơm sân jêh. (Higaiôn. Sêla)

Nau Mprơ Ơm 9:8

Păng mra phat dôih neh ntu tĭng nau sŏng srăng, Sŏk nau di jêh ri phat dôih phung ƀon lan.

Nau Mprơ Ơm 92:15

Gay tâm mpơl ma Brah Yêhôva jêng sŏng; Păng jêng lŭ toyh ma gâp, jêh ri tâm Păng mâu geh du ntil nau kue ôh.

Nau Mprơ Ơm 94:2

Ơ Kôranh jêng phat dôih ma neh ntu, Dâk hom har plơng khư ma phung sưr rlau.

Nau Mprơ Ơm 96:13

Tanăp Brah Yêhôva; yorlah Păng dôl văch, Păng dôl văch gay phat dôih neh ntu; Păng sŏk nau sŏng srăng gay phat dôih neh ntu, Sŏk nau ngăn gay phat dôih lĕ rngôch mpôl băl bunuyh.

Nau Mprơ Ơm 98:9

Yorlah Păng văch phat dôih neh ntu; Păng mra phat dôih neh ntu tĭng nau sŏng srăng, Jêh ri phat dôih phung ƀon lan tĭng ma nau di.

Êsai 3:10

Lah hom ma phung sŏng srăng, ueh maak yơh ma khân păng, Yorlah khân păng mra sa play bơh kan khân păng ƀư.

Malachi 2:17

Khân may hŏ rsuak jêh Brah Yêhôva ma nau khân may ngơi, khân may lah đŏng pô aơ: “Ntŭk geh hên ƀư rsuak Păng?” Nây jêng lah khân may ngơi: “Ăp nơm ƀư nau mhĭk jêng ueh tanăp măt Brah Yêhôva, jêh ri Păng ŭch ngăn phung bunuyh pônây.” Mâu lah ôp: “Ta ntŭk gŭ Brah Ndu nau sŏng?”

Malachi 3:14

Khân may hŏ lah: “Mâu khlay ôh pah kan ma Brah Ndu! Moh ndơ khlay ma hên, lah hên tông nau Păng ntăm, mâu lah chuat hăn ma nau rngot klâng tanăp măt Brah Yêhôva ma phung tahan?

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,