Nau Mprơ Ơm 57:4 - Nau Brah Ndu Ngơi 2023

⁴ Huêng gâp gŭ tâm nklang phung yau mŭr; Bê̆ch tâm nklang phung mpa bri sa puăch nuyh. Geh sêk tâm ban ma chiông tak, hăr Jêh ri mpiăt khân păng hơr tâm ban ma du mlâm đao.

Nau Mprơ Ơm 57:4 ပူးပေါင်းရင်းမြစ်များ

Ndrom Samƀŭt bơh Yôp 41:14

Ntŭk mprôn nglay săk păng tâm krêp ndrel, Nâp nâm bu tŏ, mâu blau hêk ôh.

Nau Mprơ Ơm 10:9

Păng gŭ krap tâm ntŭk ndâp nâm bu yau mŭr tâm trôm, Păng gŭ krap gay ma nhŭp phung rêh ni; Păng têk bunuyh o ach lăp tâm nhuăl gay nhŭp khân păng.

Nau Mprơ Ơm 35:17

Ơ Kôranh Brah, ndah jŏ May gŭ uănh nau nây? Dăn tâm rklaih huêng gâp bơh nau khân păng ƀư rai. Jêh ri sŏk lơi nau rêh gâp bơh phung yau mŭr.

Nau Mprơ Ơm 43:3

Dăn nau ang jêh ri nau ngăn May sol ang Gay njŭn leo gâp ƀă, Njŭn gâp hao ta yôk kloh ueh, Jêng ntŭk May gŭ.

Nau Mprơ Ơm 52:2

May nchră ŭch ma nau ƀư rai. Mpiăt may tâm ban ma pêh poih hơr, Mbơh huy lĕ nau ndơm bu.

Nau Mprơ Ơm 55:21

Bâr mbung păng mbĭr tâm ban ma dak ngi Ƀiălah tâm nuih n'hâm nchră mĭn nau tâm lơh. Nau ngơi păng ueh lơn ma ngi Ƀiălah jêng đao tŏk rơm lơi jêh.

Nau Mprơ Ơm 58:6

Ơ Yêhôva, nkê̆ch lơi sêk tâm mbung khân păng; Ơ Brah Yêhôva, nkê̆ch lơi neng phung kon yau mŭr.

Nau Mprơ Ơm 59:7

Ri mbung khân păng hok luh nau suai rak; Mbung khân păng tâm ban ma du mlâm đao. Yorlah khân păng lah êng: “Mâu geh bu tăng ôh?”

Nau Mprơ Ơm 64:3

Khân păng tôl mpiăt khân păng nơm nâm bu đao. Bruh nau kăch mhĭk ji tâm ban ma lĕ chiông hăr.

Nau Hôr 12:18

Nau ngơi mâu njrăng ôh jêng nâm bu ntâp ma đao, Ƀiălah mpiăt phung blau mĭn jêng djôt nau blau ƀư bah.

Nau Hôr 25:18

Nơm ngơi nchơt tâm rdâng đah phung chiau meng păng Nâm bu du mlâm me nôp, du mlâm đao, chiông hăr mplanh.

Nau Hôr 28:15

Phung djơh chiă uănh phung ndĭt trơi Tâm ban yau mŭr rđuh ngrông, mâu lah kau hăn tĭng kăp mpa sa.

Nau Hôr 30:14

Geh phung bunuyh geh sêk hơr nâm bu đao, Găm hơr nâm bu pêh. Gay rvăn roh lĕ bunuyh ndĭt trơi bơh neh, Jêh ri lĕ bunuyh rêh ni bơh kon bunuyh.

Yakơ 3:6

Mpiăt ăt jêng ŭnh lĕ. Tâm lĕ kô̆ săk jăn he, mpiăt jêng neh ntu nau tih mhĭk, ƀư ƀơ̆ lĕ săk jăn, su lĕ nau rêh, jêh ri ŭnh tă bơh ndrung ŭnh ăt su păng.

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.

Phung Kôranh Phat Dôih 9:20

Bi tơlah mâu di ôh pônây, ăn ŭnh luh bơh Y-Abimêlek su lơi phung kôranh chiă uănh ƀon toyh Sichem jêh ri Bet-Milô; jêh ri ăn ŭnh luh bơh phung bunuyh Sichem jêh ri Bet-Milô su lơi Y-Abimêlek!”