Nau Mprơ Ơm 57:2 - Nau Brah Ndu Ngơi 2023

² Gâp kuăl vơh vơl ma Brah Ndu Dŭt Prêh, Nây jêng Brah Ndu ƀư lôch jêh nau ŭch Păng ma gâp.

Nau Mprơ Ơm 57:2 ပူးပေါင်းရင်းမြစ်များ

Nau Mprơ Ơm 138:8

Brah Yêhôva mra ƀư lôch jêh lĕ rngôch nau kan gâp. Ơ Brah Yêhôva, nuih n'hâm ueh May hôm tât ƀaƀơ n'ho ro; Lơi chalơi ôh nau kan ti May nơm ƀư jêh!

Nau Mprơ Ơm 143:9

Ơ Brah Yêhôva, rklaih an gâp bơh phung rlăng; Gâp hăn krap ta May.

Nau Mprơ Ơm 17:8

Dăn Kôranh Brah king n'gang gâp nâm bu găr klŏ măt; Dăn pôn gâp tâm dâng gui năr May,

Nau Mprơ Ơm 41:5

Phung rlăng gâp ngơi nau ƀai pô aơ: “Ndah jŏ păng mra khĭt? Ndah jŏ amoh păng mra rai yot?”

Nau Mprơ Ơm 56:2

Phung rlăng ŭch sa rvăn nglay săk rêh gâp tâm ăp nar. Ơ Nơm Dŭt Prêh Klơ, phung tâm lơh đah gâp âk ir!

Êsai 26:12

Ơ Brah Yêhôva, May ndâk nau đăp mpăn ma hên, Yorlah lĕ rngôch kan hên, May sâm ƀư an da dê jêh ma hên!

Êsai 26:20

Ơ phung ƀon lan Gâp, lăp hom tâm jrô, Jêh ri nchăng lơi mpông. Nde krap hom ƀât lât, Kŏ tât nau ji nuih hŏ rlau jêh.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Philip 1:6

Gâp chroh ngăn ma Nơm ntơm kan ueh tâm phung khân may mra ƀư lôch kan nây ma tât nar Brah Yêsu Krist.

Philip 2:12

Pôri, hơi phung oh nâu gâp rŏng ngăn ngên, nâm bu khân may vay tông bâr ƀaƀơ, mâu di knŏng nôk gâp geh măt, ƀiălah aƀaơ aơ, dôl gâp ndŭt măt, lơ hô tông bâr lơn đŏng; sŏk hom nau klach râm sâr gay ƀư lôch jêh nau tâm rklaih khân may nơm.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.