Nau Mprơ Ơm 56:8 - Nau Brah Ndu Ngơi 2023

⁸ May kơp ăp nhuat gâp hăn nsong: Dăn May dơ dak măt gâp tâm kachok May. Dak măt gâp mâu dơi nchih tâm ndrom samƀŭt May hĕ?

Nau Mprơ Ơm 56:8 ပူးပေါင်းရင်းမြစ်များ

II Phung Hađăch 20:5

“Plơ̆ tay hom lah ma Y-Hêsêkia, kôranh ma phung ƀon lan Gâp, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ jêh dak măt may hoch. Aơ, Gâp mra ƀư bah may; tât nar rơh pe, may mra hăn hao ma ngih Brah Yêhôva.

Ndrom Samƀŭt bơh Yôp 16:20

Phung mĭt jiăng gâp mưch rmot gâp, Ƀiălah gâp nhĭm luh dak măt đah Brah Ndu,

Nau Mprơ Ơm 121:8

Brah Yêhôva mra mât mray may Dôl luh dôl lăp, Ntơm bơh aƀaơ kŏ tât n'ho ro.

Nau Mprơ Ơm 139:16

Măt May hŏ saơ jêh nau săk jăn mâu geh rup gâp; Rnoh lĕ nar tâm nal ma may, Hŏ nchih jêh tâm ndrom samƀŭt May Nôk ê hŏ geh du nar tâm lĕ nar nây.

Nau Mprơ Ơm 39:12

Ơ Brah Yêhôva! iăt hom nau gâp mbơh sơm, Rkêng tôr iăt nau gâp kuăl; Lơi gŭ rklăk tanăp dak măt gâp Yorlah gâp jêng bu năch tâm ngih May, Phung bu năch hăn nsong ƀât lât nâm bu lĕ chô yau gâp.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Yêrêmi 18:23

Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Malachi 3:16

Nôk nây, phung klach yơk ma Brah Yêhôva nkoch bri ndrăng khân păng nơm, jêh ri Brah Yêhôva rkêng tôr iăt nau khân păng. Bu nchih jêh du ndrom samƀŭt ăn kah gĭt tanăp Brah Yêhôva ăn ma phung klach yơk ma Păng jêh ri yơk ma amoh Păng.

Mathay 10:30

Nđâp ma sŏk ta klơ bôk khân may dơi kơp lĕ jêh.

II Kôrintô 11:26

Tâm âk nau hăn trong, gâp mâp nau djơh mhĭk ta dak krong, nau djơh mhĭk đah phung ntŭng, nau djơh mhĭk đah phung ƀon lan gâp nơm, nau djơh mhĭk đah phung bu năch, nau djơh mhĭk tâm ƀon toyh, nau djơh mhĭk tâm bri rdah, nau djơh mhĭk ta dak mƀŭt, nau djơh mhĭk đah phung nklă amoh jêng oh nâu,

ហេឞ្រើ 11:13

Lĕ rngôch phung bunuyh nây khĭt da dê jêh tâm nau chroh, ê hŏ sŏk dơn ôh lĕ nau Brah Ndu ton ma khân păng; knŏng uănh saơ jêh ri mbah lĕ nau nây ntơm bơh ngai, kơp săk khân păng nơm jêng bunuyh bu năch jêh ri bunuyh gŭ jăng jai ta neh ntu.

ហេឞ្រើ 11:38

Neh ntu mâu khư ma khân păng gŭ ôh. Khân păng nsong mblêng tâm bri rdah, ta klơ yôk prêh, tâm lĕ trôm lŭ, tâm lĕ ntu brŏng trôm neh.

ហេឞ្រើ 11:8

Yor ma nau chroh, Y-Abraham tông bâr Brah Ndu kuăl, hăn tât ta n'gor êng păng nơm mra dơn jêng drăp ndơn; păng hăn ƀiălah mâu gĭt ôh mbah ntŭk păng mra hăn.

Nau Tâm Mpơl 20:12

Gâp saơ phung khĭt, toyh jêh ri jê̆, dâk tanăp sưng hađăch nây da dê, jêh ri bu pơk jêh lĕ ndrom samƀŭt. Du ndrom samƀŭt êng jêng ndrom samƀŭt nau rêh bu pơk đŏng. Bu phat dôih phung khĭt tĭng nâm kan khân păng ƀư jêh, tĭng nâm lĕ nau bu nchih jêh tâm ndrom samƀŭt nây.

Nau Tâm Mpơl 7:17

Yorlah Kon Biăp gŭ ta nklang sưng hađăch mra mât njrăng khân păng jêh ri njŭn leo khân păng tât ta lĕ dak n'hor rêh. Brah Ndu mra jut lơi dak măt bơh trôm măt khân păng.”

I Samuel 19:18

Pônây, Y-Đavit nchuăt du jêh ri hăn tât ta Rama nkoch ma Y-Samuel lĕ nau Y-Sôl hŏ ƀư ma păng. Jêh nây, păng jêh ri Y-Samuel hăn gŭ ta Naiôt.

I Samuel 27:1

Y-Đavit mĭn êng tâm nuih n'hâm pô aơ: “Nanê̆ du nar kăndơ̆, gâp mra khĭt ma ti Y-Sôl. Ueh lơn gâp du tâm n'gor Philistin gay Y-Sôl mâu hôm joi nhŭp gâp tâm lam n'gor Israel. Tâm ban pônây, gâp mra klaih bơh ti hađăch.”