Nau Mprơ Ơm 56:5 - Nau Brah Ndu Ngơi 2023

⁵ Ăp nar khân păng ngơi ƀrôk lĕ nau gâp ngơi, Khân păng ŭch nchră mĭn ƀaƀơ gay ƀư mhĭk ma gâp.

Nau Mprơ Ơm 56:5 ပူးပေါင်းရင်းမြစ်များ

I Phung Hađăch 18:2

Y-Êli hăn tâm mâp đah Y-Ahap. Rnôk nây, ta Samari geh nau ji ngot toyh hâu ngăn.

Nau Mprơ Ơm 118:6

Brah Yêhôva gŭ koh dŏng gâp, gâp mâu mra klach ôh, Moh bunuyh dơi mra ƀư ma gâp?

Nau Mprơ Ơm 41:7

Lĕ rngôch phung tâm rmot ma gâp ngơi ƀŭk dŭk suyh ƀư ma gâp da dê; Khân păng mĭn ŭch ƀư mhĭk ma gâp jêh ri lah:

Nau Mprơ Ơm 49:6

Khân păng rnơm nsing ma drăp ndơ khân păng nơm, Ntưih êng nơm geh drăp ndơ âk rmeh.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Mathay 22:15

Dôl nây phung Pharisi hăn luh, tâm chră ndrăng khân păng, ƀư dăk sân Brah Yêsu tâm nau ngơi.

Mathay 26:61

Bu phong kơt aơ: “Bunuyh aơ lah jêh: ‘Gâp dơi ƀư rai ngih brah Brah Ndu, jêh nây ndâk tay păng tâm pe nar.’ ”

Luka 11:54

ƀư dăk sân gay ngơi ƀrôk ăp nau Păng ngơi.

Yôhan 2:19

Brah Yêsu lah: “Ƀư rai hom ngih brah aơ, tâm pe nar Gâp mra ndâk đŏng.”

II Pêtrôs 3:16

Tâm lĕ rngôch samƀŭt, păng ngơi ma lĕ nau aơ. Lĕ samƀŭt păng nchih geh ƀaƀă nau jêr gĭt rbăng, jêh ri phung rluk jêh ri mâu nâp hŏ nsak nkhăng, tâm ban ma khân păng ƀư jêh ma lĕ ntŭk êng tâm Nau Brah Ndu Ngơi, gay sŏk dơn nau ƀư rai ma khân păng nơm.

I Samuel 18:17

Y-Sôl lah ma Y-Đavit: “Aơ, kon bôk rah gâp jêng H'Mêrap. Gâp mra ăn ma păng jêng ur may, knŏng ăn may jêng janh ktang kơl ma gâp jêh ri tâm lơh yor Brah Yêhôva.” Y-Sôl mĭn êng: “Lơi ăn ti gâp ƀư mhĭk ma păng, ăn ti phung Philistin ƀư mhĭk ma păng.”

I Samuel 18:21

Yorlah Y-Sôl mĭn êng: “Gâp mra ăn kon bu ur gâp ma păng gay ƀư dăk sân ma păng, jêh ri ti phung Philistin klăp lah ƀư mhĭk păng.” Pônây, Y-Sôl lah tal bar ma Y-Đavit: “Aƀaơ ri, may mra jêng klay gâp.”

I Samuel 18:29

ri mơ Y-Sôl klach âk lơn ma Y-Đavit. Pônây, Y-Sôl jêng rlăng ma Y-Đavit lĕ du njăr rêh.

I Samuel 20:33

Y-Sôl rjăng tak gay ntâp ma Y-Jônathan, jêh ri Y-Jônathan lĕ gĭt jêh ma mbơ̆ păng lĕ mĭn jêh ŭch nkhĭt Y-Đavit.

I Samuel 20:7

Tơlah păng plơ̆ lah: ‘Ueh jêh!’ pôri oh mon may mra dơi nau đăp mpăn. Bi tơlah păng ji nuih, gĭt hom pô aơ păng mĭn ŭch ƀư mhĭk ma gâp.