Nau Mprơ Ơm 56:13 - Nau Brah Ndu Ngơi 2023

¹³ Yorlah May tâm rklaih jêh gâp bơh khĭt, Jêh ri kuăn jâng gâp bơh chêh prah, Gay ma gâp hăn tanăp măt Brah Ndu Tâm nau ang ma nau rêh.

Nau Mprơ Ơm 56:13 ပူးပေါင်းရင်းမြစ်များ

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Ndrom Samƀŭt bơh Yôp 33:30

Djôt leo huêng khân păng luh bơh ntu jru, Gay ma khân păng saơ nau ang ma nau rêh.

Nau Mprơ Ơm 145:14

Brah Yêhôva chông lĕ rngôch phung tŭp, Jêh ri Păng mphâk lĕ rngôch phung rdja nuih.

Nau Mprơ Ơm 17:5

Gâp chuat hăn nâp jêh tâm trong Kôranh Brah, Jâng gâp mâu chêh prah ôh.

Nau Mprơ Ơm 49:15

Ƀiălah Brah Ndu mra tâm chuai huêng gâp bơh nau dơi ƀon phung khĭt Yorlah păng mra vơt rom gâp. (Sêla)

Nau Mprơ Ơm 94:18

Ơ Brah Yêhôva, tơlah gâp lah: “Jâng gâp chêh prah” Pôri nau ueh May kuăn rdâng gâp.

Êsai 2:5

Hơi ngih Yakôb, văch hom! Ăn he chuat hăn hom tâm nau ang Brah Yêhôva.

Êsai 38:3

“Ơ Brah Yêhôva, dăn kah gĭt hom pô aơ gâp hôm chuat hăn răp jăp tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Kan Lêvi 23:38

Rlau ma nây, khân may djôt prăp đŏng lĕ nar saƀat Brah Yêhôva, lĕ ndơ nhhơr, lĕ ndơ ƀư brah ƀư nau ton jêh ri khân may nơm ŭch nhhơr ma Brah Yêhôva.

Yôhan 8:12

Brah Yêsu lah đŏng ma phung ƀon lan pô aơ: “Gâp jêng nau ang ma neh ntu, mbu nơm tĭng Gâp mâu mra hăn tâm nau ngo ôh, ƀiălah mra geh nau ang ma nau rêh.”

II Kôrintô 1:10

Păng yơh tâm rklaih jêh he bơh nau khĭt dŭt krit kir kơt nĕ; Păng dôl tâm rklaih hên, jêh ri hên kâp gân ma Păng mra tâm rklaih tay hên.

I Têsalônik 1:10

jêh ri gŭ kâp Kon Păng bơh trôk, jêng Brah Yêsu, Păng hŏ ƀư ăn dâk rêh tay tă bơh nau khĭt, jêng Nơm tâm rklaih he bơh ma nau ji nuih dăch tât.

ហេឞ្រើ 2:15

jêh ri tâm rklaih lĕ rngôch bunuyh, yorlah klach khĭt pôri du bông nau rêh gŭ tâm nau jêng dĭk.

Yakơ 5:20

ăn khân may gĭt, mbu nơm leo du huê bunuyh tih plơ̆ tay bơh trong vĭ nhhơt, jêng rklaih huêng bunuyh nĕ tă bơh nau khĭt jêh ri âk nau tih păng bu mra yô̆ an.

I Samuel 2:9

Păng mra mât mray lĕ nhuat jâng phung gŭ răp jăp đah Păng; Bi ma phung mhĭk djơh Păng mra ƀư rai khân păng tâm ntŭk ngo klĕng; Yorlah bunuyh mâu mra dơi ôh đah nau ktang.