Nau Mprơ Ơm 55:19 - Nau Brah Ndu Ngơi 2023

¹⁹ Brah Ndu jêng Nơm chiă uănh bơh kăl e ƀaƀơ n'ho ro, Mra iăt jêh ri mplơ̆ sĭt ma khân păng. (Sêla) Yorlah khân păng mâu ŭch tâm rgâl ôh trong khân păng Mâu lĕ klach yơk ma Brah Ndu.

Nau Mprơ Ơm 55:19 ပူးပေါင်းရင်းမြစ်များ

Nau Mprơ Ơm 143:12

Tâm nuih n'hâm ueh May, dăn nkhĭt lơi lĕ phung rlăng gâp, Ƀư rai lĕ rngôch phung tŭn jot gâp Yor gâp jêng oh mon May.

Nau Mprơ Ơm 65:5

Ơ Brah Ndu jêng Nơm tâm rklaih hên, May mplơ̆ lah ma hên ma lĕ nau sŏng srăng, khư ma nau klach. May jêng nau kâp gân ma phung nglĕ dŭt rplay neh Phung gŭ ngai tâm dak mƀŭt tâm ban lĕ.

Nau Mprơ Ơm 78:59

Tăng nau nây, Brah Ndu ji nuih; Păng tâm rmot chalơi ngăn ma phung Israel.

Nau Hôr 1:32

Yor ma nau tâm rdâng bơh phung rluk mra nkhĭt khân păng, Jêh ri nau ueh mpăn bơh phung rluk mra ƀư rai khân păng.

Nơm Nti 8:11

Yorlah nau phat dôih đah phung mhĭk mâu geh gơnh ro ôh rĭ dĭng nuih n'hâm kon bunuyh bêng ma nau djơh mhĭk.

Êsai 36:20

Tâm lĕ brah bri aơ, geh brah moh hŏ rklaih n'gor khân păng tă bơh ti gâp lĕ? Pôri mâm Brah Yêhôva dơi rklaih Yêrusalem bơh ti gâp!’ ”

Yêrêmi 48:11

Môap ơm vay gŭ đăp mpăn ntơm bơh rnôk hôm mom, Nâm bu ndrănh nkân ta blat yăng, Mâu hŏ geh troch ôh bơh ma yăng aơ tơh ma yăng êng, Mâu mâp lĕ ƀư jêng bu nă; Yor nây nau kah păng nâm ơm Jêh ri ƀâu kah păng mâu hŏ rgâl ôh.”

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Sôphôni 1:12

Nôk nây, Gâp mra djôt ŭnh rdo sek joi ƀon Yêrusalem, Jêh ri mra tâm rmal phung geh nau mpay jêh nâm bu ndrănh djah dăch dŭt, Jêng phung lah êng pô aơ: ‘Brah Yêhôva mâu mra ăn nau ueh ôh, Mâu lĕ ăn nau mhĭk.’

Nau Vay Nkah Tay 33:27

Brah Ndu gŭ rêh n'ho ro jêng ntŭk du krap, Ti n'ho ro bơh Păng kơl an he. Păng mra nsot phung rlăng du luh bơh măt khân may Jêh ri lah: ‘Ƀư rai hom khân păng!’

Kôlôh 1:17

Păng geh lor lơn ma lĕ rngôch ndơ, jêh ri lĕ rngôch ndơ dơi nâp tâm Păng.