Nau Mprơ Ơm 55:18 - Nau Brah Ndu Ngơi 2023

¹⁸ Păng tâm rklaih nau rêh gâp tâm đăp mpăn tă bơh nau tâm lơh. Nđâp tơlah phung tâm lơh đah gâp âk ngăn.

Nau Mprơ Ơm 55:18 ပူးပေါင်းရင်းမြစ်များ

II Samuel 18:28

Y-Ahimas nter huy jêh ri mbơh ma hađăch: “Lĕ rngôch nau jêng ueh!” Jêh nây păng păn muh măt ta neh panăp hađăch, jêh ri lah tay: “Mât ton ma Yêhôva Brah Ndu hađăch, jêng Nơm hŏ rklaih ma hađăch luh bơh phung yơr ti tâm rdâng đah hađăch jêng kôranh gâp!”

II Samuel 22:1

Tơlah Brah Yêhôva hŏ tâm rklaih jêh Y-Đavit tă bơh ti Y-Sôl, păng mprơ ma nau ngơi aơ gay tâm rnê ma Brah Yêhôva:

II Phung Hađăch 6:16

Păng lah: “Lơi klach ôh, yorlah phung gŭ ndrel he jêng âk lơn ma phung gŭ ndrel ma khân păng.”

Nau Mprơ Ơm 17:1

Ơ Brah Yêhôva! Dăn gŭ iăt jêh ri sek uănh nau sŏng srăng ma gâp; Gŭ iăt nau gâp nter; Dăn rkêng tôr ma nau gâp mbơh sơm, Tă bơh bâr mbung mâu geh nau ndơm ôh.

Nau Mprơ Ơm 56:2

Phung rlăng ŭch sa rvăn nglay săk rêh gâp tâm ăp nar. Ơ Nơm Dŭt Prêh Klơ, phung tâm lơh đah gâp âk ir!

Nau Mprơ Ơm 57:3

Păng ăn nau tâm rklaih ma gâp tă bơh trôk. Ăn ma phung tŭn jot mra geh nau bêk prêng, nau ƀơ̆ ƀơch. (Sêla) Brah Ndu ăn nau ueh jêh ri nau răp jăp Păng ma gâp.

Nau Nhĭm Vơl 3:56

May tăng jêh nau gâp, Lơi ta nsêt ôh trôm tôr bơh nau gâp nter dăn nau kơl.

Mathay 26:53

May ntôn lah Gâp mâu dơi hĕ dăn ma Mbơ̆ Gâp, jêh ri Păng mra njuăl rlau jât ma bar phung mpôl tông mpăr ăn ma Gâp gơnh ro?

I Yôhan 4:4

Hơi phung kon jê̆, khân may jêng phung Brah Ndu jêh ri dơi đah khân păng jêh, yorlah Nơm gŭ tâm khân may jêng toyh lơn ma nơm gŭ tâm neh ntu.