Nau Mprơ Ơm 55:17 - Nau Brah Ndu Ngơi 2023

¹⁷ Mhaơ, kêng ôi jêh ri nar nklang bôk, Gâp mra nter vơh, rđêng nđor, Nanê̆ Păng mra tăng bâr gâp.

Nau Mprơ Ơm 55:17 ပူးပေါင်းရင်းမြစ်များ

Ndrom Samƀŭt bơh Yôp 19:7

Aơ, lah gâp geh kuăl: ‘Bu ƀư mhĭk ma gâp!’ mâu lĕ geh bu ơh ma gâp; Lah gâp kuăl dŭt nteh, mâu saơ lĕ nau di.

Nau Mprơ Ơm 119:62

Ta klong măng, gâp mra dâk gay tâm rnê lah ueh ma May, Yor lĕ nau vay ƀư bơh May jêng sŏng srăng.

Nau Mprơ Ơm 141:2

Ăn nau gâp mbơh sơm jêng nâm bu ndơ ƀâu kah nhhơr tanăp May, Jêh ri ti gâp yơr nâm bu ndơ ƀư brah mhaơ!

Nau Mprơ Ơm 72:12

Yorlah hađăch mra rklaih phung pưt kƀah nôk khân păng kuăl dăn Jêh ri kơl nơm rêh ni mâu geh nơm kơl.

Nau Mprơ Ơm 77:2

Tâm nar rêh ni, gâp joi Kôranh Brah; Dôl măng, ti gâp yơr ăn sŏng mâu rgănh ôh; Ƀiălah huêng gâp mâu geh nau bonh leng.

Nau Mprơ Ơm 88:13

Ƀiălah ơ Brah Yêhôva! Bi ma gâp, gâp vơh vơl ma May; Mbăt ang ôi, nau gâp mbơh sơm tât tanăp May.

Nau Mprơ Ơm 92:2

Nkoch mbơh nau ueh May tâm ăp kêng ôi, Jêh ri nau răp jăp May tâm dôl măng,

Nau Nhĭm Vơl 3:8

Nđâp tơlah gâp kuăl vơh vơl jêh ri dăn nau kơl, Păng dun mâu iăt ôh nau gâp mbơh sơm;

Daniel 6:10

Tơlah Y-Daniel gĭt hađăch nchih amoh jêh tâm samƀŭt pôri păng lăp tâm ngih, hao tâm du jrô prêh, ntŭk geh mpông bloh jê̆ rle ma ƀon Yêrusalem. Ta nây, pe tơ̆ ăp nar păng chon kômâk mbơh sơm jêh ri mprơ tâm rnê ma Brah Ndu nâm bu păng vay ƀư ntơm saơm tât aƀaơ.

Daniel 6:13

Khân păng plơ̆ lah ma hađăch: “Tâm phung bu nă tă bơh Yuđa geh Y-Daniel mâu chrê ma may ôh. Ơ hađăch, nđâp lah ma nau buay may nchih amoh jêh, păng ăt mbơh sơm pe tơ̆ ăp nar.”

Markôs 1:35

Tât nar ôi taơ, ƀhit rvi ang, Brah Yêsu dâk, du luh, hăn lăp tâm ntŭk bri rdah jêh ri mbơh sơm ta nây.

Markôs 6:46

Jêh Păng luh tă bơh khân păng, Păng hăn hao ta klơ yôk gay mbơh sơm.

Markôs 6:48

Păng saơ phung oh mon vah plŭng dŭt hŏt ngăn, yorlah rlơ̆ sial, tât klăp lah puăn tong iăr ndrau tâm măng nây, Păng hăn ta klơ mpiăt dak mƀŭt văch ta phung oh mon. Păng ŭch hăn lor lơn khân păng.

Kôranh Oh Mon 10:3

Klăp lah mông pe kêng măng, tâm du nau tâm saơ, păng saơ rah vah du huê tông mpăr Brah Ndu lăp tâm ngih păng jêh ri lah: “Hơi Y-Kôrnei!”

Kôranh Oh Mon 10:30

Y-Kôrnei plơ̆ lah: “Puăn nar pa năp aơ dơh, klăp lah mông aơ, jêng pe mông mhaơ, dôl gâp mbơh sơm tâm ngih gâp, ƀât lât geh du huê bunuyh nsoh ao rmah ƀlĭp tâm mpơl tanăp gâp

Kôranh Oh Mon 10:9

Ôi taơ, tâm nôk pe bunuyh nây hăn trong, dăch tât ta ƀon, ri mơ Y-Pêtrôs hao ta klơ chor ngih gay mbơh sơm, nôk nây, di tâm nar nklang bôk.

Kôranh Oh Mon 3:1

Rnôk nây, Y-Pêtrôs jêh ri Y-Yôhan hăn ta ngih brah ta mông mbơh sơm pe mông mhaơ.

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

I Têsalônik 5:17

mbơh sơm hom mâu rlu;

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.