Nau Mprơ Ơm 54:5 - Nau Brah Ndu Ngơi 2023

⁵ Păng mra mplơ̆ ma phung rlăng đah gâp ma nau tih mhĭk khân păng; Dăn May ƀư rai hom khân păng tĭng nau răp jăp May.

Nau Mprơ Ơm 54:5 ပူးပေါင်းရင်းမြစ်များ

Nau Mprơ Ơm 137:8

Ơ kon bu ur Babilôn, nơm bu mra ƀư rai! Ueh maak yơh ma nơm mplơ̆ plơng may Tĭng nâm nau mhĭk may hŏ ƀư jêh ma he!

Nau Mprơ Ơm 143:1

Ơ Brah Yêhôva, iăt hom nau gâp mbơh sơm, Rkêng hom tôr iăt nau gâp vơl dăn; Yor nau răp jăp jêh ri nau sŏng srăng May Dăn plơ̆ sǐt lah ma gâp.

Nau Mprơ Ơm 143:12

Tâm nuih n'hâm ueh May, dăn nkhĭt lơi lĕ phung rlăng gâp, Ƀư rai lĕ rngôch phung tŭn jot gâp Yor gâp jêng oh mon May.

Nau Mprơ Ơm 27:11

Ơ Brah Yêhôva! Dăn ntĭm nti gâp trong May; Dăn njŭn gâp lăp tâm trong lâng Ma yor lĕ phung rlăng gâp.

Nau Mprơ Ơm 31:23

Hơi phung kloh ueh Brah Yêhôva, rŏng hom ma Păng! Brah Yêhôva mât mơh phung răp jăp Ƀiălah tâm rmal ktang ngăn ma phung gŭ ngao sưr rlau.

Nau Mprơ Ơm 5:8

Ơ Brah Yêhôva, ma yor phung rlăng gâp, Dăn njŭn leo gâp tâm trong sŏng srăng May, Jêh ri ƀư lâng trong Kôranh Brah tanăp măt gâp.

Nau Mprơ Ơm 86:14

Ơ Brah Ndu, phung sưr hao tâm rdâng jêh ma gâp, Du phung bunuyh ƀai joi gay ƀư rai ma huêng gâp; Khân păng mâu mĭn ôh May gŭ tanăp khân păng.

Nau Mprơ Ơm 89:49

Ơ Kôranh Brah, nau ueh May sŏk nau răp jăp ton jêh ma Y-Đavit kăl e, Mbah ntŭk aƀaơ?

Nau Mprơ Ơm 94:23

Păng mra har plơng ma khân păng yor nau ƀai khân păng, Jêh ri ƀư rai khân păng yor nau djơh mhĭk khân păng; Yêhôva Brah Ndu hên mra ƀư rai khân păng.

II Timôthê 4:14

Y-Aleksandrơ, bunuyh blau chiăr kông, ƀư jêh âk nau mhĭk ma gâp; Kôranh Brah mra mplơ̆ ma păng tĭng nâm kan păng pah.

Nau Tâm Mpơl 18:6

Mplơ̆ lơi ma păng nâm bu păng hŏ ƀư ma bu, Mplơ̆ sĭt ma păng bar tơ̆ lĕ kan păng ƀư jêh. Rlŭk hom ma păng bar tơ̆ kachok păng rlŭk jêh.