Nau Mprơ Ơm 54:1 - Nau Brah Ndu Ngơi 2023

¹ Ơ Brah Ndu! Dăn tâm rklaih gâp ma amoh May, Ma nau brah May phat dôih nau di ăn ma gâp.

Nau Mprơ Ơm 54:1 ပူးပေါင်းရင်းမြစ်များ

II Nau Rêh Jêng 20:6

mbơh sơm pô aơ: “Ơ Yêhôva Brah Ndu phung che hên! Mâu di hĕ May jêng Kôranh Brah gŭ ta klơ lĕ ndâr trôk? Mâu di hĕ May jêng Nơm chiă uănh ma lĕ rngôch ntil mpôl bunuyh bơh lĕ rngôch bri dak? Tâm ti May geh nau brah jêh ri nau ktang, pôri mâu geh du huê dơi tâm rdâng ôh đah May.

Nau Mprơ Ơm 20:1

Ăn Brah Yêhôva lŏ plơ̆ lah nau hađăch tâm nar rêh ni! Ăn amoh Brah Ndu Yakôb king n'gang may!

Nau Mprơ Ơm 26:1

Ơ Brah Yêhôva, koh dŏng hom gâp, Yorlah gâp chuat jêh hăn tâm nau sŏng; Gâp rnơm nsing ma Brah Yêhôva, mâu rdja nuih ôh.

Nau Mprơ Ơm 48:10

Ơ Kôranh Brah Ndu, mâm ƀư amoh May Jêh ri nau mprơ tâm rnê ma May ăn tât lĕ ntŭk dŭt rplay neh tâm ban pônây lĕ; Ti ma May bêng ma nau sŏng srăng.

Nau Mprơ Ơm 79:9

Ơ Brah Ndu jêng Nơm tâm rklaih hên, dăn kơl hên, Yorlah nau chrêk rmah tâm amoh May; Dăn May tâm rklaih jêh ri yô̆ ma nau tih hên, Ma yor amoh May.

Nau Mprơ Ơm 99:4

May jêng Hađăch nau brah; May rŏng nau sŏng srăng; Păng rdâk nau di, Ƀư nau phat dôih jêh ri nau di tâm ngih Yakôb.

Nau Ngluh Êjipt 23:21

Tanăp tông mpăr, ăn blau njrăng jêh ri tông bâr păng. Lơi ƀư ôh nau tâm rdâng đah păng, yorlah păng mâu mra yô̆ an ôh nau khân nơm tâm rdâng, yorlah amoh Gâp gŭ tâm păng.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Nau Hôr 23:11

Yorlah Nơm Tâm Chuai khân păng jêng Nơm geh nau brah, Mra koh dŏng nau phong dôih bơh khân păng tâm rdâng đah may.

Êsai 30:27

Aơ, amoh Brah Yêhôva văch tă bơh ngai; Ma nau Păng duh nuih, Nhhŭk ŭnh mbâl hao thŭl; Trôm mbung Păng bêng ma nau ji nuih, Mpiăt Păng tâm ban ma ŭnh sa;

Yêrêmi 50:34

Nơm Tâm chuai khân păng jêng ktang ngăn. Amoh Păng jêng Brah Yêhôva ma phung tahan. N'hêl nanê̆ Păng mra koh dŏng ma khân păng gay ăn nau đăp mpăn ma bri dak khân păng, ƀiălah ƀư rŭng răng ma phung gŭ tâm bri Babilôn.”

Mathay 1:21

Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 10:21

Nâu mra jao oh păng nơm ma bu gay ƀư nkhĭt, mbơ̆ mra jao kon păng nơm, phung kon mra plơ̆ dâk tâm rdâng đah mê̆ mbơ̆ jêh ri ƀư ăn ma khân păng khĭt.

Kôranh Oh Mon 4:12

Mâu hôm geh nau tâm rklaih tâm nơm êng ôh, yorlah tâm dâng trôk mâu geh ôh amoh êng ăn jêh ma kon bunuyh, gay ma he tă bơh nĕ geh nau tâm rklaih.”

I Samuel 26:1

Phung Sip hăn ma Y-Sôl ta Gibêa, jêh ri lah pô aơ: “Y-Đavit dôl du krap ta dor Hakila, tra năp bri rdah.”