Nau Mprơ Ơm 53:3 - Nau Brah Ndu Ngơi 2023

³ Lĕ rngôch bunuyh rŭch plơ̆ tă bơh nau rêh da dê, plơ̆ ndrel jêng djơh mhĭk. Mâu geh du huê bunuyh ƀư nau ueh ôh, Nđâp tơlah du huê mâu geh lĕ.

Nau Mprơ Ơm 53:3 ပူးပေါင်းရင်းမြစ်များ

II Samuel 20:2

Lĕ rngôch phung Israel chalơi Y-Đavit gay hăn tĭng ndô̆ Y-Sêba, kon Y-Bikri. Ƀiălah phung Yuđa ăt răp jăp ma hađăch, tĭng ndô̆ hađăch ntơm bơh dak krong Yurdan tât ma ƀon Yêrusalem.

Ndrom Samƀŭt bơh Yôp 15:16

N'hơn lah ma du huê nơm tih mhĭk, bu rmot, Ƀư nau tih mhĭk nâm bu nhêt dak!

Nau Mprơ Ơm 14:3

Lĕ rngôch vĭ nhhơt da dê; jêng ndrel tâm nau rai yot; Mâu geh du huê bunuyh ƀư nau ueh ôh, Nđâp tơlah du huê mâu geh lĕ.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Sôphôni 1:6

Nđâp phung lĕ chalơi jêh mâu tĭng Brah Yêhôva, Phung mâu ŭch joi Brah Yêhôva, jêh ri mâu ôp ôh Păng.

Samƀŭt Pôl Njuăl Ăn Ma Phung Nsing Ta Ƀon Rôm 3:12

Lĕ rngôch vĭ nhhơt, plơ̆ jêng dơm dam da dê; Mâu geh du huê bunuyh ƀư nau ueh ôh, Nđâp tơlah du huê mâu geh đŏng.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

I Yôhan 2:29

Tơlah khân may gĭt Păng jêng sŏng srăng, gĭt năl hom ma mbu nơm ƀư nau sŏng srăng jêng luh tă bơh Păng da dê.

III Yôhan 1:11

Hơi nơm gâp rŏng, lơi kơt nau mhĭk ôh, ƀiălah kơt nau ueh. Mbu nơm ƀư nau ueh jêng bunuyh Brah Ndu; ƀiălah mbu nơm ƀư nau mhĭk, mâu mâp saơ Brah Ndu ôh.

Nau Tâm Mpơl 22:11

Mbu nơm mâu sŏng, ăn păng ăt ƀư nau mâu sŏng srăng, mbu nơm ƀơ̆ ăt jêng ƀơ̆, mbu nơm sŏng srăng ăt ƀư nau sŏng srăng, bunuyh jêng kloh ueh ăt jêng kloh ueh!”