Nau Mprơ Ơm 52:9 - Nau Brah Ndu Ngơi 2023

⁹ Gâp mra tâm rnê lah ueh ma May ƀaƀơ Ma lĕ nau May ƀư jêh. Gâp mra mbơh amoh May tanăp phung răp jăp ma May Yorlah nau nây ueh lăng ngăn.

Nau Mprơ Ơm 52:9 ပူးပေါင်းရင်းမြစ်များ

Êsther 5:11

Y-Haman nkoch bri đŏng ma khân păng nau ndrŏng kuăng păng jêh ri âk kon bu klâu păng. Păng tâm mpơl đŏng lĕ rngôch nau hađăch ƀư ma păng, dơi geh bu yơk, jêh ri hađăch n'hao păng hao lơn ma phung kôranh jêh ri phung oh mon hađăch.

Nau Mprơ Ơm 146:2

Gâp mra tâm rnê ma Brah Yêhôva du bông nau rêh gâp. Ndah jŏ nar gâp hôm rêh, gâp mra mprơ tâm rnê ma Brah Ndu dŭm nĕ lĕ.

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Nau Mprơ Ơm 30:12

Yor nây, huêng gâp mprơ tâm rnê ma Kôranh Brah jêh ri mâu gŭ rklăk ôh. Ơ Brah Yêhôva Brah Ndu gâp, gâp mra tâm rnê lah ueh ma May ƀaƀơ n'ho ro.

Nau Mprơ Ơm 40:1

Gâp srôih kâp gân Brah Yêhôva, Păng rkêng tôr iăt bâr gâp kuăl dăn.

Nau Mprơ Ơm 54:6

Ơ Brah Yêhôva, gâp mra nhhơr ma May ndơ ƀư brah sân săk; Gâp mra tâm rnê lah ueh ma amoh May Yorlah nau nây jêng nau ueh.

Nau Mprơ Ơm 62:1

Huêng gâp gŭ rlu mpăn ntŭk du huê Brah Ndu; Nau tâm rklaih gâp văch tă bơh Păng.

Nau Mprơ Ơm 62:5

Ơ huêng gâp, gŭ rlu hom tâm Brah Ndu. Yorlah nau gâp kâp gân dơm tâm păng.

Nau Mprơ Ơm 73:28

Ƀiălah ueh maak ngăn ma gâp dơi văch dăch ma Brah Ndu; Gâp săch Kôranh Brah Yêhôva ƀư ntŭk gâp gŭ krap, Gay nkoch bri lĕ rngôch kan May.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.