Nau Mprơ Ơm 52:1 - Nau Brah Ndu Ngơi 2023

¹ Hơi bunuyh janh ktang, mâm ƀư may ntưih êng ma nau janh? Nau ueh Brah Ndu hôm mro mrăng.

Nau Mprơ Ơm 52:1 ပူးပေါင်းရင်းမြစ်များ

Nau Mprơ Ơm 10:7

Trôm mbung păng bêng ma nau rak rtăp, mƀruh ndơm jêh ri nau thăm rmat; Mpiăt păng ngơi nau mhĭk jêh ri nklă nchơt.

Nau Mprơ Ơm 103:17

Ƀiălah nau ueh Brah Yêhôva hôm ƀaƀơ n'ho ro Ma phung klach yơk ma Păng, Jêh ri nau sŏng srăng Păng prăp ma sau se khân păng.

Nau Mprơ Ơm 107:1

Tâm rnê lah ueh hom ma Brah Yêhôva yorlah Păng jêng ueh; Nau ueh Păng hôm ƀaƀơ n'ho ro.

Nau Mprơ Ơm 54:3

Yorlah phung bu năch luh hao rdâng đah gâp, Bunuyh janh ƀai joi ƀư rai nau rêh gâp. Khân păng mâu ăn Brah Ndu gŭ tanăp măt khân păng. (Sêla)

Nau Mprơ Ơm 59:7

Ri mbung khân păng hok luh nau suai rak; Mbung khân păng tâm ban ma du mlâm đao. Yorlah khân păng lah êng: “Mâu geh bu tăng ôh?”

Nau Mprơ Ơm 7:14

Ri phung ƀai hŏ ntreo ma nau djơh mhĭk, Păng ntreo ma nau mhĭk, Jêh ri luh ma nau mƀruh.

Nau Mprơ Ơm 94:4

Khân păng ngơi lĕ nau sưr; Lĕ rngôch phung mhĭk ngơi blă blơ da dê.

Nau Ngluh Êjipt 22:9

Tâm lĕ rngôch nau tâm rlăch tât ma drăp ndơ, ndrôk, seh bri, biăp, bok ao, mâu lah ndơ êng roh, ƀiălah bu mra lah: “aơ jêng ndơ gâp” pôri lĕ bar đah nây hăn tât tanăp măt Brah Ndu. Nơm Brah Ndu tâm rmal mra ntrok bar tơ̆ ma nơm chiau meng păng.

Nau Hôr 6:14

Nuih n'hâm bêng nau kue, păng tâm nchră ma nau mhĭk, Ăp tơ̆ joi nau tâm djrel ƀaƀơ.

Nau Hôr 6:18

Nuih n'hâm ŭch tâm nchră ma nau mhĭk, Jâng gơnh nchuăt ran ƀư nau janh,

Êsai 59:4

Mâu geh du huê phong ma nau sŏng srăng ôh. Mâu geh du huê tâm rlăch ma nau nanê̆ ngăn. Bu rnơm nsing ma nau ngơi dơm dam jêh ri ngơi mƀruh. Khân păng hŏ ntreo ma nau mhĭk jêh ri deh nau tih toyh.

Yêrêmi 41:4

Nar tal bar jêh nau nkhĭt ntŭng Y-Gêdalia, lah bu ê hŏ gĭt nau nây,

Yêrêmi 9:8

Mpiăt khân păng jêng hăr kăch Vay bên ma nau ngơi ndơm. Padih mbung ngơi đăp mpăn ăn ma phung chiau meng Ƀiălah tâm nuih n'hâm sân dăk ƀư mhĭk păng.”

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Samƀŭt Pôl Njuăl Ăn Ma Phung Nsing Ta Ƀon Rôm 1:30

ngơi kek, ngơi nchơt, tâm rmot ma Brah Ndu, nau ƀai, ngơi sưr, ngơi blă blơ, vay ƀư nau mhĭk, mâu iăt nau mê̆ mbơ̆;

II Timôthê 3:2

Yorlah bunuyh mra jêng mbeh nkrêp, rŏng ma prăk, blau khư êng, sưr rlau, ngơi djơh, mâu tông bâr mê̆ mbơ̆, mâu kah gĭt tôr, mâu kloh ueh,

I Samuel 21:7

Tâm ban lĕ tâm nar nây, geh du huê oh mon Y-Sôl gŭ ta nây, bu krŭng păng tanăp Brah Yêhôva. Amoh păng Y-Dôek, bunuyh Êđôm, kôranh ma phung rmăk biăp Y-Sôl.