Nau Mprơ Ơm 51:2 - Nau Brah Ndu Ngơi 2023

² Dăn rao kloh lĕ nau djơh mhĭk Jêh ri ƀư kloh lĕ nau tih gâp.

Nau Mprơ Ơm 51:2 ပူးပေါင်းရင်းမြစ်များ

II Samuel 11:4

Y-Đavit prơh bunuyh hăn sŏk bu ur nây văch tât ta ngih hađăch. Tơlah păng văch, hađăch bê̆ch ndrel đah păng. (Jêh ta nây păng ƀư ăn kloh nau ƀơ̆ păng nơm). Jêh nây păng plơ̆ sĭt ngih păng.

II Samuel 12:1

Brah Yêhôva prơh Y-Nathan hăn tât ma Y-Đavit. Păng tât jêh ri lah ma hađăch: “Tâm du ƀon ri, geh bar bunuyh, du huê ndrŏng jêh ri geh du huê o ach.

Nau Mprơ Ơm 19:12

Mbu nơm dơi gĭt rbăng lĕ nau tih păng? Dăn Kôranh Brah yô̆ an lĕ nau tih gâp mâu gĭt.

Nau Mprơ Ơm 51:7

Dăn sŏk rkŭm hisôp ƀư kloh nau tih gâp ri mơ gâp mra jêng kloh rsang; Dăn May rao gâp jêh ri gâp mra jêng nglang lơn ma dak pler.

Êsai 1:16

Rao ƀư kloh hom khân may nơm! Mƀăr lơi hom lĕ nau mhĭk bơh măt Gâp; Lơi hom ƀư nau mhĭk.

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Kan Lêvi 13:58

Ƀiălah kho ao, brai mhay, brai ek ndrŭng mâu lah moh ndơ ƀư ma ntâu, jêng ndơ khân may hŏ pih jêh ri têl mbrĭng roh jêh ăn bu djôt plơ̆ pih tal bar jêh ri ndơ nây mra jêng kloh.”

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Yôhan 13:9

Y-Pêtrôs lah: “Hơi Kôranh Brah, lơi rao knŏng jâng dơm, ƀiălah rao ti nđâp ma bôk gâp đŏng.”

Kôranh Oh Mon 22:16

Aƀaơ ri, moh ndơ may gŭ kâp? Dâk hom, kuăl mbơh sơm ma amoh Kôranh Brah gay dơn nau ƀaptem jêh ri ƀư kloh nau tih may.’

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

Nau Tâm Mpơl 7:14

Gâp lah ma păng: “Hơi kôranh, may gĭt.” Kôranh bu ranh nây lah ma gâp: “Aơ jêng phung bunuyh luh tă bơh nau rêh ni toyh, hŏ pih jêh ao jêh ri pih tho ăn nglang ao khân păng nơm tâm mham Kon Biăp.