Nau Mprơ Ơm 51:16 - Nau Brah Ndu Ngơi 2023

¹⁶ Yorlah May mâu maak ôh ma mpa ƀư brah, nđâp lah gâp mra nhhơr. Ndơ ƀư brah gŭch ăt mâu ƀư maak nuih n'hâm May.

Nau Mprơ Ơm 51:16 ပူးပေါင်းရင်းမြစ်များ

II Samuel 12:9

Mâm ƀư may mưch rmot nau Brah Yêhôva ngơi, ŭch ƀư nau mhĭk tanăp măt Păng? May hŏ sŏk đao phung Ammôn nkhĭt Y-Uri, bunuyh Hitit, sŏk jêh ur păng njêng ur may.

Nau Mprơ Ơm 40:6

May mâu ŭch ôh ma mpa ƀư brah mâu lah ndơ ƀư brah rnih môi, May mâu dăn ôh ndơ ƀư brah gŭch mâu lah ndơ ƀư brah chuai nau tih, Ƀiălah May pơk jêh tôr gâp gay ma iăt nau May.

Nau Mprơ Ơm 50:8

Gâp mâu nduyh may ôh yor lĕ mpa ƀư brah Mâu lĕ nduyh may yor ndơ ƀư brah gŭch gŭ tanăp Gâp mro.

Nau Mprơ Ơm 51:6

Aơ, May ŭch nau nanê̆ ngăn tâm nuih n'hâm; May mra nti gâp ma nau blau mĭn ta ntŭk jru ndâp tâm nuih n'hâm gâp.

Nau Mprơ Ơm 71:15

Bâr mbung gâp mra nkoch tay nau sŏng srăng May, Ăp nar gâp mbơh nau May tâm rklaih, Yorlah gâp mâu gĭt mâm nkoch gay ma lĕ.

Nau Ngluh Êjipt 21:14

Tơlah du huê ndra ŭch rduh lơh jêh ri ndra ŭch tâm nkhĭt bunuyh chiau meng păng, ăn khân may têk păng luh bơh nơng ƀư brah Gâp jêh ri nkhĭt păng.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 21:27

Mpa ƀư brah bơh phung mhĭk jêng du ndơ ƀơ̆ ƀơch; Lơ hô khân păng djôt leo ndrel ma nau mĭn djơh mhĭk.

Yêrêmi 7:27

“Pônây, may mra ngơi ma khân păng lĕ rngôch nau aơ, ƀiălah khân păng mâu mra iăt may ôh. May mra kuăl, ƀiălah khân păng mâu plơ̆ sĭt lah.

Ndrom Samƀŭt bơh Ôsê 6:6

Yorlah Gâp ŭch nuih n'hâm nau yô̆ mâu di ôh mpa ƀư brah, Ŭch nau gĭt năl Brah Ndu lơn đah ndơ ƀư brah gŭch.

Nau Kơp Bunuyh 15:27

Ƀiălah tơlah knŏng du huê bunuyh lĕ lăn ƀư tih ma nau mâu mra ŭch ôh, ăn păng nhhơr du mlâm be me geh du năm jêng ndơ ƀư brah chuai nau tih.

Nau Kơp Bunuyh 35:31

Khân may mâu dơi sŏk dơn ôh prăk tâm chuai nau rêh ma du huê nkhĭt bunuyh jêng nơm geh tih khĭt. Ăn bu nkhĭt lơi păng.

Nau Vay Nkah Tay 22:22

Tơlah bu saơ du huê bu klâu bu ban dôl bê̆ch ndrel đah ur bu, pôri lĕ bu klâu jêh ri bu ur nây mra khĭt. Pônây khân may mra rai lơi nau mhĭk bơh phung Israel.

I Samuel 15:22

Y-Samuel lah: “Brah Yêhôva mâu prot maak ma ndơ ƀư brah gŭch jêh ri ma lĕ mpa ƀư brah, Ban nau tông bâr Brah Yêhôva? Pôri, nau tông bâr jêng ueh lơn đah mpa ƀư brah, Ma nau iăt tĭng jêng ueh lơn đah ngi biăp nkuăng.