Nau Mprơ Ơm 51:14 - Nau Brah Ndu Ngơi 2023

¹⁴ Ơ Brah Ndu, tâm rklaih gâp bơh nau ƀư tih nkhŭt mham Ơ Brah Ndu ma nau tâm rklaih gâp, Mpiăt gâp mra mprơ tâm rnê ma nau sŏng srăng May.

Nau Mprơ Ơm 51:14 ပူးပေါင်းရင်းမြစ်များ

Nau Ntơm 42:22

Y-Ruben nduyh khân păng: “Mâu di hĕ gâp hŏ lah jêh ma khân may lơi ƀư nau mhĭk ôh đah ndăm jê̆ nây? Ƀiălah khân may mâu iăt ôh. Aƀaơ aơ ăn he ntrok rnon mham păng dơm.”

Nau Ntơm 9:6

Mbu moh ƀư nkhŭt mham bunuyh, Mra geh bunuyh êng ƀư nkhŭt tay mham nơm nây; Yorlah Brah Ndu njêng bunuyh Tĭng nâm rup Păng nơm.

II Samuel 12:9

Mâm ƀư may mưch rmot nau Brah Yêhôva ngơi, ŭch ƀư nau mhĭk tanăp măt Păng? May hŏ sŏk đao phung Ammôn nkhĭt Y-Uri, bunuyh Hitit, sŏk jêh ur păng njêng ur may.

II Samuel 21:1

Dôl rnôk rô̆ Y-Đavit, geh nau ji ngot jŏ jong tâm pe năm. Yor ri, Y-Đavit joi muh măt Brah Yêhôva. Brah Yêhôva plơ̆ lah: “Nau aơ dơi tât yorlah Y-Sôl jêh ri phung ngih păng geh nau ƀư tih nkhŭt mham, tơlah păng nkhĭt jêh phung Gibêôn.”

II Samuel 3:28

Pakơi nây, Y-Đavit gĭt nau nây păng lah: “Gâp jêh ri ƀon bri hađăch gâp mâu geh nau tih n'ho ro ôh tanăp măt Brah Yêhôva yor mham Y-Apner, kon Y-Ner.

Êsra 9:13

Pakơi lĕ nau mhĭk ăn tât nây ma hên, yor lĕ nau djơh jêh ri nau tih toyh hên, — hơi Brah Ndu hên! Nanê̆ ngăn Kôranh Brah mâu tâm rmal ôh hên ăn di nâm bu nau tih hên, ƀiălah hŏ ăn ma hên du kô̆ hôm e klen tâm ban pônây, —

Nêhêmi 9:33

Tâm lĕ nau hŏ tât jêh ma hên, Kôranh Brah ăt sŏng srăng; yorlah Kôranh Brah ƀư nau di ngăn, Bi hên ƀư jêh ma nau djơh mhĭk.

Nau Mprơ Ơm 25:5

Dăn leo gâp tâm nau ngăn May jêh ri ntĭm nti gâp, Yorlah May jêng Brah Ndu, Nơm rklaih gâp; Ăp nar gâp kâp gân May.

Nau Mprơ Ơm 26:9

Lơi ta sŏk huêng gâp hăn ndrel ma phung tih, Mâu lĕ may chalơi nau rêh gâp ndrel ma phung ƀư rung mham.

Nau Mprơ Ơm 35:28

Pôri mpiăt kon mra mbơh nau sŏng srăng May Jêh ri mprơ tâm rnê ma May ăp nar.

Nau Mprơ Ơm 38:22

Ơ Kôranh Brah! May jêng nau tâm rklaih gâp, Dăn văch gơnh tâm rklaih gâp!

Nau Mprơ Ơm 55:23

Ơ Brah Ndu, phung ji hir mham jêh ri mƀruh ndơm Mâu mra dơi gŭ rêh n'gul mrô nar hŏ nal jêh ma păng, Kôranh Brah mra nklơ̆ khân păng Jŭr tâm ntu roh rai; Ƀiălah gâp ăt hôm rnơm nsing ma Păng.

Nau Mprơ Ơm 68:20

Brah Ndu jêng Brah Ndu tâm rklaih hên, Yor nau rnơm ma Kôranh Brah Yêhôva yơh kon bunuyh klaih khĭt.

Nau Mprơ Ơm 88:1

Ơ Yêhôva Brah Ndu jêng nau tâm rklaih gâp, Măng nâm nar gâp kuăl dăn tanăp May.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 45:17

Bi Israel, Brah Yêhôva mra tâm rklaih, Ma nau tâm rklaih n'ho ro; Kŏ tât n'ho ro, Khân may mâu mra bêk mâu lah uh ah ôh!

Êsêkiêl 33:8

Tơlah Gâp lah ma bunuyh mhĭk pô aơ: ‘Hơi phung mhĭk, nanê̆ ngăn may mra khĭt!’ Tơlah may mâu mbơh ôh ma bunuyh mhĭk chalơi trong djơh mhĭk păng, pôri bunuyh mhĭk nây mra khĭt tâm nau djơh mhĭk păng, ƀiălah Gâp mra ăn krêp mham păng ta ti may.

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Daniel 9:7

Ơ Kôranh Brah, nau sŏng srăng jêng ndơ May bi ma nau bêk jêng ma hên, nâm bu nar aơ, jêng ma phung Yuđa, phung gŭ tâm ƀon Yêrusalem, lĕ rngôch phung Israel, phung gŭ dăch tâm ban lĕ nâm bu phung gŭ ngai, tâm lĕ rngôch bri dak May nsot jêh khân păng văch yor nau djơh mhĭk khân păng hŏ ƀư jêh đah May.

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Habakuk 3:18

Gâp hôm răm maak tâm Brah Yêhôva; Gâp hôm hâk răm tâm Brah Ndu ma nau tâm rklaih gâp.

Kôranh Oh Mon 18:6

Ƀiălah yorlah khân păng tâm rdâng jêh ri ngơi sưr rlau ma păng, păng rtuh bok ao păng jêh ri lah pô aơ: “Ăn mham khân may tŭp ta bôk khân may nơm! Bi gâp mâu geh nau tih. Ntơm bơh aƀaơ aơ, gâp mra hăn ta phung bu năch.”

Kôranh Oh Mon 20:26

Yor nây, nar aơ gâp lah ngăn tanăp khân may, gâp mâu geh nau tih ma mham lĕ rngôch khân may.

Samƀŭt Pôl Njuăl Ăn Ma Phung Nsing Ta Ƀon Rôm 10:3

Dôl khân păng mâu gĭt năl nau sŏng srăng Brah Ndu jêh ri joi nau njêng nau sŏng srăng êng khân păng nơm, pôri khân păng mâu tông ma nau sŏng srăng Brah Ndu ôh;