Nau Mprơ Ơm 51:13 - Nau Brah Ndu Ngơi 2023

¹³ Rnôk nây gâp mra nti trong May ma phung ƀư tih Jêh ri phung tih mra plơ̆ sĭt ta May.

Nau Mprơ Ơm 51:13 ပူးပေါင်းရင်းမြစ်များ

II Phung Hađăch 17:18

Yor ri, Brah Yêhôva ji nuih ngăn ma phung Israel jêh ri mprơh du khân păng bơh tanăp măt Păng, knŏng hôm ndŭl mpôl Yuđa dơm.

II Phung Hađăch 17:20

Yor nây, Brah Yêhôva chalơi lĕ rngôch noi deh phung Israel. Păng ƀư ma khân păng geh nau bêk prêng jêh ri jao khân păng tâm ti phung pit in, kŏ tât Păng klŭp mƀăr khân păng ngai đah măt Păng.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

Nau Mprơ Ơm 19:7

Nau vay Brah Yêhôva jêng nŭm rĭng, Ntop nau rêh tâm huêng Nau ntĭnh bơh Brah Yêhôva jêng nanê̆, Ƀư ma phung rluk mâl jêng blau mĭn.

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 25:4

Ơ Brah Yêhôva, ăn gâp gĭt lĕ trong May Jêh ri ntĭm nti an gâp lĕ trong May.

Nau Mprơ Ơm 25:8

Brah Yêhôva jêng ueh jêh ri sŏng, Yor nây, May knŏng nti trong ma phung tih.

Nau Mprơ Ơm 32:5

Gâp mbơh jêh nau tih ma May, Gâp mâu pôn ôh nau djơh mhĭk gâp; Gâp lah: “Gâp mra mbơh lĕ nau gâp ƀư tih ma Brah Yêhôva, Jêh ri May yô̆ an nau tih gâp.” (Sêla)

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Yêrêmi 31:18

Nanê̆, Gâp hŏ tăng jêh nau phung Êphraim vah vơl: May hŏ nduyh nkra jêh gâp, jêh ri bu nduyh nkra gâp Nâm bu du mlâm ndrôk kon ê hŏ bên mâng mbăk. Ăn Kôranh Brah njŭn gâp sĭt, pôri gâp mra geh nau plơ̆ sĭt; Yorlah Kôranh Brah jêng Yêhôva Brah Ndu gâp!

Mathay 18:3

jêh ri lah: “Nanê̆, Gâp lah ma khân may, tơlah khân may mâu rgâl jêng nâm bu kon se jê̆, khân may mâu dơi lăp tâm ƀon bri hađăch klơ trôk ôh.

Luka 22:32

Ƀiălah Gâp mbơh sơm jêh gay ma may mâu mra pưt nau chroh. Tơlah may plơ̆ sĭt, ƀư hom ma phung oh nâu may ktang.”

Kôranh Oh Mon 13:10

“May jêng kon brah mhĭk, nơm rlăng ma lĕ nau sŏng, bêng ma ndơm jêh ri janh ƀai! May ƀư kue trong sŏng Kôranh Brah mro ƀơh?

Kôranh Oh Mon 15:3

Pôri, jêh Phung Ngih Brah Ndu njŭn hăn trong, khân păng n'ho rgăn Phênisi jêh ri n'gor Samari, nkoch bri nau phung bu năch sĭt chroh, ƀư ma lĕ rngôch phung oh nâu răm maak hâu găn.

Kôranh Oh Mon 3:19

Pôri, khân may rmal hom nau tih jêh ri plơ̆ sĭt ma Brah Ndu gay ma nau tih khân ay may mra dơi lâm lơi,