Nau Mprơ Ơm 51:12 - Nau Brah Ndu Ngơi 2023

¹² Dăn May ƀư tay nau ueh maak nau tâm rklaih ma gâp, Jêh ri sŏk nuih n'hâm nau yô̆ chông n'hao gâp.

Nau Mprơ Ơm 51:12 ပူးပေါင်းရင်းမြစ်များ

Nau Mprơ Ơm 119:133

Dăn mât mray jâng gâp nâp nhuat tâm nau May ngơi; Lơi dĭng ăn du ntil nau mhĭk chiă uănh gâp.

Nau Mprơ Ơm 13:5

Ƀiălah gâp hŏ rnơm nsing jêh ntŭk nau ueh Kôranh Brah; Ăn nuih n'hâm gâp răm maak ma nau Kôranh Brah tâm rklaih.

Nau Mprơ Ơm 17:5

Gâp chuat hăn nâp jêh tâm trong Kôranh Brah, Jâng gâp mâu chêh prah ôh.

Nau Mprơ Ơm 19:13

Dăn Kôranh Brah mât oh mon Kôranh Brah bơh mĭn ŭch ƀư tih; Ăn nau tih nây lơi chiă uănh gâp Pôri gâp mâu mra dơi geh nau nduyh ôh, Jêh ri mâu ƀư tih toyh.

Nau Mprơ Ơm 21:1

Ơ Brah Yêhôva, hađăch răm maak yor nau ktang May, Yorlah nau May tâm rklaih, păng hâk răm hâu ngăn!

Nau Mprơ Ơm 24:4

Nây jêng bunuyh geh ti kloh ueh jêh ri nuih n'hâm kloh, Mâu jao huêng păng ma rup brah dơm dam, Mâu lĕ ton săk ma nau mƀruh.

Nau Mprơ Ơm 35:9

Huêng gâp mra răm maak tâm Brah Yêhôva, Răm rhơn ngăn nau Păng tâm rklaih.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Yêrêmi 10:23

Mbah Brah Yêhôva, gâp gĭt trong kon bunuyh hăn khăn păng nơm mâu ƀư kôranh, Khân păng mâu dơi gai lĕ nhuat jâng păng.

Luka 1:47

Huêng nuih n'hâm gâp răm rhơn tâm Brah Ndu jêng Nơm Tâm Rklaih gâp,

Samƀŭt Pôl Njuăl Ăn Ma Phung Nsing Ta Ƀon Rôm 14:4

Mbu moh may phat dôih oh mon bu? Păng gŭ dâk mâu lah chôt, nây jêng nau kan kôranh păng. Ƀiălah păng mra gŭ dâk, yorlah Kôranh Brah geh nau dơi ăn păng gŭ dâk.

Samƀŭt Pôl Njuăl Ăn Ma Phung Nsing Ta Ƀon Rôm 8:15

N'hêl nanê̆ ngăn, khân may mâu sŏk dơn huêng jêng dĭk gay gŭ mro tâm nau klach, ƀiălah khân may sŏk dơn jêh huêng jêng kon mât rong, jêh ri tă bơh nĕ, he kuăl pô aơ: “Aƀa! Mbơ̆!”

II Kôrintô 3:17

Kôranh Brah jêng Brah Huêng Ueh, moh ntŭk geh Brah Huêng Ueh Kôranh Brah gŭ, ntŭk nây geh nau kon me.

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,