Nau Mprơ Ơm 51:11 - Nau Brah Ndu Ngơi 2023

¹¹ Lơi ta chalơi gâp bơh muh măt May Lơi sŏk sĭt Brah Huêng Ueh May bơh gâp.

Nau Mprơ Ơm 51:11 ပူးပေါင်းရင်းမြစ်များ

Nau Ntơm 4:14

Aƀaơ, nar aơ May mprơh gâp du luh bơh neh aơ, gâp mra pôn ndâp măt bơh May jêh ri du krap; nsong mblêng ta klơ neh; jêh nây, mbu moh mâp gâp, khân păng mra nkhĭt gâp.”

Nau Ntơm 6:3

Brah Yêhôva lah: “Huêng Brah Gâp mâu mra gŭ mro ôh tâm kon bunuyh yorlah khân păng knŏng jêng nglay săk, nau rêh bunuyh mra hôm e du rhiăng bar jât năm dơm.”

II Samuel 7:15

Ƀiălah nau rŏng Gâp mâu mra du tă bơh păng nâm Gâp hŏ du tă bơh Y-Sôl, jêng nơm Gâp hŏ chalơi jêh tă bơh may.

II Phung Hađăch 13:23

Ƀiălah Brah Yêhôva ăt ƀư ueh ma khân păng. Păng yô̆ nđach jêh ri uănh treng khân păng yor nau tâm rnglăp Păng hŏ ƀư jêh đah Y-Abraham, Y-Isăk jêh ri Y-Yakôb. Păng mâu ŭch ƀư rai khân păng, jêh ri n'ho tât ma nar aơ, mâu lĕ mprơh khân păng roh panăp măt Păng.

II Phung Hađăch 23:27

Brah Yêhôva lah: “Gâp mra mprơh du phung Yuđa tă bơh tanăp măt Gâp, nâm bu Gâp mprơh jêh phung Israel. Gâp mra chalơi ƀon Yêrusalem, ƀon Gâp hŏ săch jêh, tâm ban đŏng ngih brah Gâp lah ma păng pô aơ: ‘Amoh Gâp mra gŭ ta nây.’”

II Phung Hađăch 24:20

Yorlah nau Brah Yêhôva ji nuih tât jêh ta ƀon Yêrusalem jêh ri n'gor Yuđa, kŏ ma tât Păng mprơh khân păng du bơh tanăp măt Păng. Jêh nau nây, Y-Sêdêkia hao tâm rdâng đah hađăch Babilôn.

Nau Mprơ Ơm 43:2

Ơ Brah Ndu! May jêng pôih nâp ma gâp. Mâm ƀư May chalơi gâp? Mâm ƀư gâp rngot klâng. Tâm dâng nau tŭn jot phung rlăng?

Nau Mprơ Ơm 71:18

Ơ Brah Ndu, nđâp lah gâp lĕ ranh jêh ri sŏk ndra jêh, Lơi ta May chalơi gâp ôh Kŏ tât gâp mbơh nau dăng ktang May ma rnôk kăndơ̆, Jêh ri nau brah May ma noi deh ndơn pakơi.

Nau Mprơ Ơm 71:9

Lơi ta May chalơi gâp tâm rnôk lĕ ranh; Lơi ta du ngai bơh gâp tơlah nau ktang lĕ huănh hươi.

Yêrêmi 7:15

Gâp mra mprơh khân may bơh panăp Gâp, nâm bu Gâp hŏ mprơh oh nâu khân may, jêng lĕ rngôch ndŭl mpôl Êphraim.’

Luka 11:13

Kơt nây, tơlah khân may jêng bunuyh mhĭk hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ gŭ klơ trôk mâu mra ăn Brah Huêng Ueh ma mbu nơm dăn ma Păng!”

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Samƀŭt Pôl Njuăl Ăn Ma Phung Nsing Ta Ƀon Rôm 1:4

tâm nau brah huêng kloh ueh, yorlah Păng dâk rêh tay jêh tă bơh nau khĭt, dơi mbơh nkoch jêng Kon Brah Ndu nau brah, jêng Brah Yêsu Krist Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 8:9

Ƀiălah tơlah Brah Huêng Ueh Brah Ndu gŭ ngăn tâm khân may, khân may mâu gŭ rêh tĭng nâm nglay săk ôh, ƀiălah gŭ rêh tĭng nâm Brah Huêng Ueh; ƀiălah mbu nơm mâu geh Brah Huêng Ueh Brah Krist, păng mâu jêng phung Brah Krist ôh.

Êphêsô 4:30

Khân may lơi ƀư rngot Brah Huêng Ueh Brah Ndu; yor tâm Păng, khân may geh nau tâp pŏng tât ma nar tâm chuai.

II Têsalônik 1:9

Khân păng mra geh nau tâm rmal roh rai n'ho ro, tâm nkhah bơh muh măt Kôranh Brah jêh ri bơh nau chrêk rmah nau brah Păng

Phung Kôranh Phat Dôih 13:25

Huêng Brah Yêhôva ntơm văch gŭ đah păng nôk păng gŭ tâm ngih bok ta Dan, vah vang Sôra jêh ri Êstaôl.

Phung Kôranh Phat Dôih 15:14

Tơlah păng hăn tât Lêhi, phung ƀon lan Philistin troh nchuăt sĭt mpeh Y-Samsôn. Huêng Brah Yêhôva văch gŭ ndrel ma Y-Samsôn, ƀư ăn lĕ rse bu kât tŭp bơh ti păng nâm ŭnh sa rse brai mhay.

Phung Kôranh Phat Dôih 16:20

Rnôk nây păng kuăl: “Hơi Y-Samsôn, phung Philistin văch nhŭp may!” Păng kah rngăl jêh ri lah tâm nuih n'hâm: “Gâp mra nchuăt du nâm bu kănđai, jêh ri rklaih bơh ti păng nơm!” Ƀiălah păng mâu gĭt ôh ma Brah Yêhôva luh du jêh bơh păng nơm.

I Samuel 10:10

Tơlah Y-Sôl hăn tât ta Gibêa, geh du phung mbơh lor tâm mâp ma păng. Huêng Brah Yêhôva văch gŭ ndrel ma păng ma nau brah, jêh ri păng mbơh lor ta nklang khân păng.

I Samuel 16:14

Huêng Brah Yêhôva luh du tă bơh Y-Sôl, Brah Yêhôva prơh du huê brah mhĭk rkhŭk păng.