Nau Mprơ Ơm 51:1 - Nau Brah Ndu Ngơi 2023

¹ Ơ Brah Ndu! Dăn yô̆ nđach ma gâp Tĭng nuih n'hâm ueh May; Dăn jut lơi lĕ nau gâp ƀư tih Tĭng nâm nau yô̆ toyh May.

Nau Mprơ Ơm 51:1 ပူးပေါင်းရင်းမြစ်များ

II Samuel 11:2

Du mhaơ ri, Y-Đavit dâk tă bơh sưng bê̆ch păng nơm jêh ri hăn nsong pâl klơ chor ntŭk ngih hađăch. Ntơm bơh chor ngih nây, hađăch saơ du huê bu ur ueh ngăn dôl gŭ ŭm.

Nêhêmi 4:5

Lơi ta nkŭm nking nau djơh mhĭk khân păng mâu lah jut lơi nau tih khân păng tă bơh tanăp măt Kôranh Brah, yorlah khân păng hŏ nsônh nau ji nuih Kôranh Brah tanăp măt ma phung ndâk nkra.

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Mprơ Ơm 106:7

Dôl phung chô yau hên gŭ tâm bri Êjipt, Khân păng mâu gĭt rbăng lĕ nau mbên khlay May, Mâu lĕ kah gĭt nuih n'hâm ueh May rmeh ler, Ƀiălah ƀư nau tâm rdâng ta kơh dak mƀŭt, nây jêng Dak Mƀŭt Chăng.

Nau Mprơ Ơm 109:21

Ƀiălah ơ Kôranh Brah jêng Brah Yêhôva, Yor ma amoh May, ăn May ƀư nau yô̆ ma gâp; Yorlah nuih n'hâm ueh Kôranh Brah jêng nau ueh, dăn tâm rklaih hom gâp.

Nau Mprơ Ơm 119:124

Dăn ƀư đah oh mon May tĭng nâm nau nuih n'hâm ueh May, Jêh ri sâm nti gâp nau vay May dăp.

Nau Mprơ Ơm 145:9

Brah Yêhôva ƀư nau ueh ma lĕ rngôch bunuyh, Nau Păng yô̆ nđach gŭ ta lĕ rngôch ndơ Păng rhăk njêng.

Nau Mprơ Ơm 4:1

Ơ Brah Ndu sŏng srăng gâp! tơlah gâp kuăl mbơh sơm, dăn plơ̆ lah ma gâp. Tơlah gâp geh nau rêh ni, dăn njŭn gâp luh ta ntŭk huy toyh; Dăn yô̆ nđach an ma gâp jêh ri iăt nau gâp mbơh sơm.

Nau Mprơ Ơm 40:11

Ơ Brah Yêhôva! Lơi rhuăt ôh Nau yô̆ nđach May ma gâp; Ăn nau ueh jêh ri nau nanê̆ ngăn May Mât mray gâp ƀaƀơ.

Nau Mprơ Ơm 5:7

Bi ma gâp, yor nau ueh Kôranh Brah âk ngăn, Gâp mra lăp tâm ngih Kôranh Brah, Gâp mra sŏk nau klach yơk Ma nau yơk mbah tanăp ngih brah kloh ueh May.

Nau Mprơ Ơm 51:9

Dăn May rle măt bơh lĕ nau tih gâp Jêh ri jut lơi lĕ nau tih gâp.

Nau Mprơ Ơm 69:13

Ƀiălah Ơ Brah Yêhôva! Rnôk nơih aơ gâp mbơh sơm ma May. Ơ Brah Ndu! Tĭng nâm nau yô̆ nđach toyh hâu ngăn May jêh ri tĭng nau ngăn tâm rklaih tă bơh May, Dăn mplơ̆ lah nau gâp.

Nau Mprơ Ơm 69:16

Ơ Brah Yêhôva! Dăn mplơ̆ lah nau gâp yor nau ueh May jêng ueh; Tĭng nâm nau yô̆ nđach rmeh ler May, dăn n'gĭl ma gâp.

Nau Mprơ Ơm 77:9

Brah Ndu chuêl nau ƀư ueh lĕ? Tâm nau ji nuih, Păng nchăng nâp lơi nau vay yô̆ nđach lĕ?” (Sêla)

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Êsai 44:22

Gâp jut jêh nau tih may tâm ban ma tŭk mbâl, Jêh ri nau tih may tâm ban ma ndâr tŭk. Plơ̆ sĭt hom ma Gâp, yorlah Gâp tâm chuai jêh may.

Êsai 63:15

Bơh trôk, dăn Kôranh Brah mêt uănh, Bơh ntŭk May gŭ kloh ueh jêh ri chrêk rmah, dăn May mêt uănh! Mbah nau duh nđơr jêh ri kan nau brah May? Nau May rŏng jêh ri yô̆. Bu hŏ king jêh ƀơh!

Êsai 63:7

Gâp nkah tay nau ueh bơh Brah Yêhôva, Jêh ri nau tâm rnê ma Brah Yêhôva, Yorlah tĭng nâm lĕ nau Brah Yêhôva ƀư ăn jêh ma he, Jêh ri Păng ăn nau ueh âk toyh ma ngih Israel, Tĭng nau Păng yô̆ nđach, Jêh ri nau ueh bơh Păng mâu blau dŭt.

Yêrêmi 18:23

Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Nau Nhĭm Vơl 3:32

Nđâp tơlah Păng ƀư nau rngot rvê, Păng hôm e yô̆ nđach Tĭng nuih n'hâm ueh Păng toyh ngăn;

Daniel 9:18

Ơ Brah Ndu gâp, rkêng tôr iăt hom, ăn lin măt uănh ma nau hên jêng rngot njăp jêh ri ƀon toyh bu kuăl ma amoh May! Hên mâu vơl dăn ma May nsing yor nau sŏng srăng hên nơm, ƀiălah yor nau yô̆ May mâu blau lôch.

Daniel 9:9

Nau yô̆ nđach jêh ri yô̆ an jêng tâm Kôranh Brah da dê jêng Brah Ndu hên, yorlah hên ƀư nau tâm rdâng jêh đah May.

Kôranh Oh Mon 3:19

Pôri, khân may rmal hom nau tih jêh ri plơ̆ sĭt ma Brah Ndu gay ma nau tih khân ay may mra dơi lâm lơi,

Kôlôh 2:14

Păng chalơi jêh pŏk samƀŭt rnon tâm rdâng he đah lĕ nau vay tâm nchâp đah he. Păng mƀăr lơi ma nau pâng kđĭn păng ta si tâm rkăng.