Nau Mprơ Ơm 50:7 - Nau Brah Ndu Ngơi 2023

⁷ “Hơi phung ƀon lan Gâp, iăt hom! Gâp mra lah, Hơi Israel, Gâp mra mbơh nau tâm rdâng đah may; Gâp jêng Brah Ndu, nây jêng Brah Ndu may.

Nau Mprơ Ơm 50:7 ပူးပေါင်းရင်းမြစ်များ

I Phung Hađăch 18:39

Saơ nau nây, lĕ rngôch phung ƀon lan chon mon tâm neh jêh ri nter lah: “Brah Yêhôva jêng Brah Ndu! Brah Yêhôva jêng Brah Ndu!”

II Phung Hađăch 17:13

Ƀiălah, Brah Yêhôva hŏ dŏng nơm mbơh lor, nơm geh nau tâm saơ gay mbơh ma phung ma phung Israel jêh ri phung Yuđa pô aơ: “Chalơi hom bơh trong djơh mhĭk khân may! Djôt prăp hom nau vay ntăm jêh ri nau vay bơh Gâp, tĭng nâm lĕ nau vay Gâp ntrŭnh ma phung chô yau khân may, jêh ri lĕ nau Gâp hŏ dŏng oh mon Gâp jêng phung nơm mbơh lor ngơi ma khân may.”

II Nau Rêh Jêng 28:5

Yor nây, Yêhôva Brah Ndu jao păng ma ti hađăch Aram. Phung tahan Aram dơi lơh hađăch Ahas jêh ri nhŭp leo âk bunuyh ƀon lan păng jêng bu nă jêh ri njŭn leo khân păng ma ƀon Damas. Brah Yêhôva jao păng ma ti hađăch Israel đŏng jêh ri roh rai âk ngăn.

Nau Mprơ Ơm 49:1

Hơi lĕ rngôch phung ƀon lan, iăt hom nau aơ; Hơi lĕ rngôch bunuyh gŭ tâm neh ntu, rkêng tôr iăt hom.

Nau Mprơ Ơm 81:8

Ơ phung ƀon lan Gâp, gŭ iăt hom, Gâp lah ma may: Ơ Israel, di lĕ may gŭ iăt Gâp!

Nau Mprơ Ơm 81:9

Ta nklang may lơi ta geh brah êng ôh, Mâu lĕ may chon mbah tanăp brah bu năch.

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Êsai 1:18

Brah Yêhôva lah: “Văch hom aƀaơ, ăn he sek uănh ndrel: Nđâp tơlah nau tih khân may chăng nâm bu chăng rhŏnh, Mra jêng nglang tâm ban ma pler; Nđâp tơlah păng chăng rhưch nâm bu bok chăng, Mra jêng nglang tâm ban ma rsau biăp.

Yêrêmi 2:9

Brah Yêhôva lah: “Yor nây, Gâp kât nau tih khân may Jêh ri kât đŏng nau tih lĕ rngôch kon sau khân may.

Êsêkiêl 20:5

May lah hom ma khân păng pô aơ: Kôranh Brah Yêhôva lah: ‘Tâm nar Gâp săch Israel, Gâp yơr ti ton ma kon sau ngih Yakôb jêh ri mpơl săk Gâp nơm ăn ma khân păng gĭt tâm n'gor bri Êjipt. Gâp lah ma khân păng pô aơ: Gâp jêng Yêhôva Brah Ndu khân may.’

Êsêkiêl 20:7

Gâp lah ma khân păng: ‘Ăn ăp nơm khân may mƀăr lơi ăn ngai khân may bơh nau ƀơ̆ măt khân may ŭch uănh jêh ri lơi ta ƀư ƀơ̆ ôh khân may nơm ma lĕ rup brah bri Êjipt! Gâp jêng Yêhôva Brah Ndu khân may.’

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.