Nau Mprơ Ơm 50:22 - Nau Brah Ndu Ngơi 2023

²² Hơi phung chuêl Brah Ndu, sek uănh hom! Tơlah mâu, Gâp hêk hăch may jêh ri mâu geh nơm dơi rklaih.

Nau Mprơ Ơm 50:22 ပူးပေါင်းရင်းမြစ်များ

II Samuel 22:42

Khân păng n'gơr uănh, ƀiălah mâu geh bunuyh kơl rklaih ôh; Khân păng nter dăn ma Brah Yêhôva, ƀiălah Păng mâu plơ̆ sĭt lah ôh.

Ndrom Samƀŭt bơh Yôp 10:7

Nđâp lah May lĕ gĭt gâp mâu ƀư tih, Jêh ri mâu geh ôh bunuyh dơi klaih bơh ti May?

Ndrom Samƀŭt bơh Yôp 8:13

Trong phung chuêl Brah Ndu nâm bu pônây; Nau kâp gân bơh phung mâu chroh mra rai lôch.

Nau Mprơ Ơm 10:4

Phung mhĭk ngơi nau sưr, mâu tĭng joi Kôranh Brah; Păng mĭn pô aơ mâu geh Brah Ndu ôh.

Nau Mprơ Ơm 7:2

Klach lah khân păng hêk gâp nâm bu yau mŭr hêk mpa sa, Jêh ri ƀư săk jăn gâp jêng gâl rngơl ƀiălah mâu geh ôh nơm dơi rklaih an.

Nau Mprơ Ơm 9:17

Phung mhĭk mra hăn lăp ta ƀon phung khĭt, Lĕ rngôch phung ƀon lan chuêl Brah Ndu tâm ban pônây lĕ.

Nau Mprơ Ơm 9:18

Bunuyh pah pưt bu mâu mra chuêl n'ho ro, Jêh ri phung o ach mâu geh roh nau kâp gân ƀaƀơ ôh.

Nơm Nti 7:14

Tâm nar ndrŏng, maak dơn hom, Tâm nar nau mhĭk, mĭn rvê hom; Yorlah Brah Ndu ăn lĕ bar ntil nây tât Gay ma kon bunuyh mâu dơi gĭt moh nau mra tât tâm du nar kăndơ̆.

Êsai 51:13

May chuêl jêh Brah Yêhôva, Nơm njêng may, Nơm ling jêh lĕ ndâr trôk Jêh ri n'gân mbon rplay neh, Gay ma may klach mro tâm lĕ nar Yor nau ji nuyh nơm tŭn jot, Nôk păng nkra ŭch ƀư rai may? Ƀiălah aƀaơ, mbah gŭ nau ji nuyh nơm tŭn jot?

Yêrêmi 2:32

Geh đŏng bu ur druh chuêl ndơ păng nkrơ̆, Mâu lah geh đŏng bu ur chuêl nsoh ao ueh ta nar tâm nđăp păng nơm? Ƀiălah ƀon lan Gâp chuêl Gâp Bơh jŏ nar mâu dơi kơp ôh.

Êsêkiêl 18:28

Yorlah păng gĭt mĭn rvê jêh ri chalơi lĕ rngôch nau tih păng hŏ ƀư jêh n'hêl nanê̆ păng mra rêh, mâu khĭt ôh.

Ndrom Samƀŭt bơh Ôsê 13:8

Gâp mra mpoh khân păng nâm bu kau me roh kon. Gâp mra sa hêk hăch ntang ntơh khân păng Jêh ri mra sa rvăn khân păng ta nây nâm bu yau mŭr; Mpô mpa bri mra hêk săk khân păng jêng hăch rhên.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Ndrom Samƀŭt bơh Ôsê 5:14

Yorlah gâp mra jêng nâm bu du mlâm yau mŭr ma Êphraim, Nâm bu du mlâm yau mŭr kon ma ngih Yuđa. Gâp nơm yơh mra sa hêk jêh nây hăn du; Gâp mra djôt leo, jêh ri mâu geh ôh nơm dơi sâm rklaih.

Amôt 2:14

Bunuyh nchuăt dŭt prăl mâu mra dơi rklaih ôh; Bunuyh dăng ktang mâu lĕ dơi têm n'hâm suan păng, Jêh ri bunuyh janh ktang mâu mra dơi lĕ tâm rklaih nau rêh păng nơm.

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Ndrom Samƀŭt bơh Agê 1:5

Pôri aƀaơ aơ, Brah Yêhôva ma phung tahan lah pô aơ: ‘Mêt uănh hom trong khân may ŭch ƀư.

Luka 15:17

Nôk nây păng mhe kah gĭt, mĭn êng: ‘Geh âk bunuyh pah kan ma mbơ̆ gâp, geh piăng let sa âk rmeh, ƀiălah ta aơ gâp khĭt ji ngot.

Nau Vay Nkah Tay 32:18

Khân may mâu mĭn rvê ôh ma Lŭ Toyh hŏ njêng jêh khân may nơm Jêh ri chuêl jêh Brah Ndu Nơm ăn nau rêh.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.