Nau Mprơ Ơm 50:21 - Nau Brah Ndu Ngơi 2023

²¹ Nây jêng nau may hŏ ƀư jêh, bi Gâp gŭ rklăk; May mĭn pô aơ Gâp ăt tâm ban ma may. Ƀiălah Gâp mra nduyh rmal may, Mpơl lĕ nau nây tanăp măt may.

Nau Mprơ Ơm 50:21 ပူးပေါင်းရင်းမြစ်များ

Ndrom Samƀŭt bơh Yôp 34:33

Lah pônây tĭng ma may, Brah Ndu geh nau har lĕ? Ƀiălah may mâu hŏ ŭch rmal nau tih, Jêng may nơm mra săch, mâu di gâp ôh; Pôri may ngơi hom moh nau may gĭt.

Nau Mprơ Ơm 50:3

Brah Ndu he văch tât jêh ri mâu gŭ rklăk ôh. Tanăp Păng jêng ŭnh hit, Văr jŭm Păng jêng geh phŭt sial chuănh hâu ngăn.

Nau Mprơ Ơm 50:8

Gâp mâu nduyh may ôh yor lĕ mpa ƀư brah Mâu lĕ nduyh may yor ndơ ƀư brah gŭch gŭ tanăp Gâp mro.

Nau Mprơ Ơm 73:11

Khân păng lah: “Mâm ƀư Brah Ndu dơi gĭt? Nơm Dŭt Prêh geh nau gĭt rbăng lĕ?”

Nau Mprơ Ơm 90:8

May dơm jêh nau djơh mhĭk hên tanăp May, Gay lĕ nau tih ndâp hên tâm nau ang muh măt May.

Nau Ngluh Êjipt 3:14

Brah Ndu lah ma Y-Môis: “GÂP JÊNG NƠM GEH LOR JÊH RI N'HO RO.” Brah Ndu lah tay: “Lah hom ma phung ƀon lan Israel pô aơ: ‘NƠM GEH LOR hŏ njuăl gâp văch ma khân may.’”

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Êsai 26:10

Nđâp lah dơi dơn nau yô̆, Nơm ƀai mâu nti nau sŏng srăng ôh. Rêh tâm bri sŏng, păng lŏ ƀư nau mhĭk, Jêh ri mâu saơ ôh nau rnam Brah Yêhôva.

Êsai 42:14

Jŏ jêh Gâp gŭ rklăk, Gâp hŏ gŭ rklăk, Gâp hŏ kuăn rdâng Gâp nơm. Ƀiălah aƀaơ aơ, Gâp nter, ngơi nthôk nthơk, nsôr n'hâm mâu luh n'hâm, Tâm ban ma du huê bu ur deh kon,

Êsai 57:11

Ma mbu khân may krit jêh ri klach Kŏ tât may mƀruh, May mâu kah gĭt ma Gâp, Jêh ri mâu klâng rvê ma Gâp? Mâu di hĕ yorlah jŏ jêh Gâp gŭ rklăk, Rĭ dĭng may mâu klach yơk ma Gâp?

Yêrêmi 2:23

“Mâm may nănh ngơi: ‘Gâp mâu geh ƀơ̆ ƀơch, Gâp mâu geh tĭng brah Baal ôh’? Uănh hom trong may tâm ntŭk rlŭng; Ăn gĭt nanê̆ nau may hŏ ƀư, Nâm bu seh samô ngăch, nchuăt blă blơ.

Amôt 8:7

Brah Yêhôva sŏk nau chrêk rmah bơh Y-Yakôb jêh ri sơm ton pô aơ: “N'hêl nanê̆ Gâp mâu mra chuêl ôh lĕ nau kan khân may ƀư!

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Pêtrôs 3:9

Kôranh Brah mâu mbrĕ mbrơi ma nau Păng ton tĭng nâm ƀaƀă mĭn, ƀiălah Păng srôih đah khân may, mâu ŭch ôh du huê khĭt roh, ƀiălah ŭch ma lĕ rngôch rmal nau tih da dê.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!