Nau Mprơ Ơm 50:19 - Nau Brah Ndu Ngơi 2023

¹⁹ Bâr mbung may ngơi lĕ nau mhĭk, Mpiăt may ngơi ma lĕ nau mƀruh nchơt.

Nau Mprơ Ơm 50:19 ပူးပေါင်းရင်းမြစ်များ

Nau Mprơ Ơm 10:7

Trôm mbung păng bêng ma nau rak rtăp, mƀruh ndơm jêh ri nau thăm rmat; Mpiăt păng ngơi nau mhĭk jêh ri nklă nchơt.

Nau Mprơ Ơm 5:9

Yorlah trôm mbung khân păng mâu nanê̆, Nuih n'hâm khân păng bêng ma nau ƀư rai, Ko khân păng nâm bu môch pơk lơi, Mpiăt khân păng ngơi ma nau nklă.

Nau Mprơ Ơm 55:12

Tơlah phung rlăng ƀư bêk gâp, Gâp dơi dơn yơh; Tơlah nơm tâm rmot gâp, sưr tâm rdâng ma gâp, Gâp mra dơi du krap đah păng.

Nau Mprơ Ơm 55:21

Bâr mbung păng mbĭr tâm ban ma dak ngi Ƀiălah tâm nuih n'hâm nchră mĭn nau tâm lơh. Nau ngơi păng ueh lơn ma ngi Ƀiălah jêng đao tŏk rơm lơi jêh.

Yêrêmi 9:5

Ăp nơm ăt ndơm phung chiau meng, Mâu geh nơm ngơi ngăn. Khân păng nti jêh mpiăt khân păng ngơi mƀruh, Mơng ƀư nau mhĭk ƀaƀơ.

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”