Nau Mprơ Ơm 50:18 - Nau Brah Ndu Ngơi 2023

¹⁸ Tơlah may saơ nơm ntŭng may tâm di du ai nuih đah păng, May tâm pă ndơ đah phung văng tĭr.

Nau Mprơ Ơm 50:18 ပူးပေါင်းရင်းမြစ်များ

II Samuel 13:5

Y-Jêhônadap lah ma păng: “Kon bu klâu hađăch lâng bê̆ch hom ta klơ sưng bê̆ch, jan săk ji. Jêh nây tơlah mbơ̆ may hăn chop khâl, lah hom ma păng: ‘Dăn mbơ̆ ăn ma H'Tamar, oh bu ur gâp, văch nkra ndơ sông sa nhêt ma gâp. Oh gâp mra ndrăp ndơ sông sa ra năp măt gâp, gay gâp dơi saơ, jêh ri sŏk sa tă bơh ti păng.’”

Êsai 5:23

Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!

Kan Lêvi 20:10

‘Tơlah du huê bu klâu ƀư tih văng tĭr đah du huê bu ur lĕ geh sai, mâu lah đah ur nơm chiau meng păng, lĕ bu ur jêh ri bu klâu nây mra nkhĭt da dê.

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Mathay 23:30

jêh ri lah: ‘Tơlah hên gŭ rêh tâm rnôk n'hanh phung chô yau, n'hêl nanê̆ hên mâu tĭng ndrel ma khân păng tâm nau ƀư nkhŭt mham phung nơm mbơh lor ôh.’

Samƀŭt Pôl Njuăl Ăn Ma Phung Nsing Ta Ƀon Rôm 1:32

Khân păng rlau ma gĭt nau vay Brah Ndu hŏ nal pô aơ ma mbu nơm ƀư lĕ nau tih pônây jêng khư khĭt. Pôri, mâu di knŏng khân păng nơm ƀư lĕ nau nây, ƀiălah khân păng tâm di ndrel ma phung êng ƀư tâm ban đŏng.

I Timôthê 5:22

Ƀât ngăch ir pah ti ta bu ôh, mâu đŏng mbŭk ti tâm nau tih bơh bunuyh êng. Djôt prăp hom may nơm ma nau kloh rsang.

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.