Nau Mprơ Ơm 50:15 - Nau Brah Ndu Ngơi 2023

¹⁵ Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 50:15 ပူးပေါင်းရင်းမြစ်များ

II Phung Hađăch 20:2

Y-Hêsêkia rle măt păng mpeh ta mpir jêh ri păng mbơh sơm ma Brah Yêhôva:

II Nau Rêh Jêng 20:9

‘Tơlah nau mhĭk tât ma hên, mâu lah đao tak, mâu lah nau phat dôih, mâu lah nau ji kuet, mâu lah nau ji ngot, hên mra gŭ dâk tanăp ngih aơ jêh ri panăp May (yorlah amoh May gŭ tâm ngih brah aơ), jêh ri vơl dăn ma May dôl hên geh nau rêh ni hâu ngăn, May mra tăng jêh ri tâm rklaih hên.’

Ndrom Samƀŭt bơh Yôp 22:27

May mra vơh vơl dăn ma Păng, Păng mra iăt may; Jêh ri may mra ƀư nanê̆ nau may nơm ton.

Nau Mprơ Ơm 107:19

Rnôk nây, tâm nau rêh ni khân păng vah vơl ma Brah Yêhôva, Jêh ri Păng tâm rklaih khân păng bơh nau rêh ni.

Nau Mprơ Ơm 107:28

Rnôk nây, tâm nau rêh ni, khân păng vah vơl ma Brah Yêhôva, Jêh ri Brah Yêhôva tâm rklaih khân păng nau rêh ni.

Nau Mprơ Ơm 120:1

Tâm nau rêh ni, gâp kuăl mbơh sơm ma Brah Yêhôva, Păng lŏ plơ̆ lah jêh ma gâp.

Nau Mprơ Ơm 22:23

Hơi phung klach yơk ma Brah Yêhôva, tâm rnê hom ma Păng! Hơi lĕ rngôch phung kon sau Yakôb, yơk mbah hom ma Păng! Hơi lĕ rngôch noi deh Israel, klach yơk hom ma Păng.

Nau Mprơ Ơm 34:5

Mbu uănh n'gơr tâm Kôranh Brah mra geh nau sol ang; Khân păng mâu mra geh nau prêng măt ôh.

Nau Mprơ Ơm 34:7

Tông mpăr Brah Yêhôva ƀư ngih bok gŭ jŭm phung klach yơk ma Păng Jêh ri tâm rklaih khân păng.

Nau Mprơ Ơm 4:2

Ơ kon bunuyh, nau khưm gâp ndah jŏ bu mra ƀư nau bêk prêng? Khân may rŏng nau dơm dam jêh ri ndah jŏ tĭng joi nau mƀruh? (Sêla)

Nau Mprơ Ơm 50:23

Mbu nơm nhhơr nau tâm rnê lah ueh, ndơ ƀư brah jêng mât ton ma Gâp, Bi ma mbu nơm hăn tĭng trong nau sŏng, Gâp mra ăn saơ nau Brah Ndu tâm rklaih.”

Nau Mprơ Ơm 77:2

Tâm nar rêh ni, gâp joi Kôranh Brah; Dôl măng, ti gâp yơr ăn sŏng mâu rgănh ôh; Ƀiălah huêng gâp mâu geh nau bonh leng.

Nau Mprơ Ơm 77:3

Gâp kah gĭt ma Brah Ndu jêh ri gâp mra uh ah, lŭng nter; Huêng gâp huăr jêh. (Sêla)

Nau Mprơ Ơm 81:7

“Tâm nau rêh ni, may kuăl pôri Gâp mra tâm rklaih may, Bơh ntŭk ndâp nglaih gŭ, Gâp mplơ̆ lah nau may. Jêh ri rlong uănh may ta dak n'hor Mêriba. (Sêla)

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Nau Mprơ Ơm 86:7

Tâm nar rêh ni, gâp kuăl mbơh sơm ma May, Yorlah May mra mplơ̆ lah nau gâp.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Yêrêmi 39:17

Brah Yêhôva lah: ‘Ƀiălah tâm nar nây, Gâp mra rklaih may, may mâu mra jao tâm ti phung bunuyh ƀư ăn may klach ôh.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Mathay 5:16

Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Luka 22:44

Tâm nau rngot rvê dŭt hâu, Păng mbơh sơm dŭt n'hâm ngăn, dak rhal Păng jêng tâm ban ma mham lĕ truh ta neh.

Yôhan 15:8

Bơh nau nây Mbơ̆ Gâp mra geh nau tâm rnê, lah khân may dơi geh play âk jêh ri khân may jêng phung oh mon Gâp.

Kôranh Oh Mon 16:25

Klăp lah n'gul măng, Y-Pôl jêh ri Y-Silas mbơh sơm jêh ri mprơ tâm rnê ma Brah Ndu; phung bu nă gŭ iăt.

Yakơ 5:13

Mbu moh tâm khân may geh nau rêh ni? Bunuyh nây mbơh sơm hom. Mbu moh geh nau răm maak? Tâm rnê hom.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.

I Pêtrôs 4:14

Tơlah bu suai rak khân may yor amoh Brah Krist, khân may geh ueh lăng ngăn, yorlah nau chrêk rmah Brah Huêng Ueh tă bơh Brah Ndu gŭ tâm khân may.

Phung Kôranh Phat Dôih 15:19

Brah Ndu rlah lŭ ta Lêhi gay dak brul luh. Nôk Y-Samsôn nhêt dak, huêng păng plơ̆ sĭt jêh ri geh suan tay. Yor ri, bu tâm amoh dak n'hor aơ jêng Ên-Hakôr kŏ tât ta nar aơ.