Nau Mprơ Ơm 50:10 - Nau Brah Ndu Ngơi 2023

¹⁰ Yorlah lĕ rngôch mpô mpa tâm bri jêng ndơ Gâp da dê, Lĕ ntil mpô mpa gŭ tâm âk rbăn yôk tâm ban lĕ.

Nau Mprơ Ơm 50:10 ပူးပေါင်းရင်းမြစ်များ

Nau Ntơm 2:19

Yêhôva Brah Ndu sŏk neh mon njêng lĕ rngôch mpô mpa bri jêh ri sĭm klơ trôk, jêh nây njŭn leo tanăp măt bunuyh gay uănh mâm bunuyh ntơ khân păng, jêh ri moh săk bunuyh sâm ntơ ma ăp ntil mpa rêh jêng ntơ êng da dê ma păng.

Nau Ntơm 31:9

Brah Ndu hŏ sŏk jêh phung mpô mpa rong mbơ̆ khân ay jêh ri ăn ma gâp.

Nau Ntơm 8:17

Ngluh hom bơh kumpăn lĕ rngôch mpô mpa hŏ gŭ ndrel ma may, jêng lĕ ntil mpa rêh nâm bu sĭm, lĕ ntil mpô mpa, lĕ ntil mpa vơr klơ neh, gay ma khân păng deh kon jêh ri bĭk rơ̆ âk râk klơ neh.”

Nau Mprơ Ơm 104:14

Păng ăn gơ̆ hon ma mpa rong, Tơm si gay bunuyh mât rong Jêh ri neh dơi geh ndơ sa.

Nau Mprơ Ơm 24:1

Neh jêh ri lĕ rngôch ndơ ta klơ neh, Neh ntu jêh ri lĕ bunuyh gŭ tâm nây jêng ndơ Brah Yêhôva da dê.

Daniel 2:38

Păng jao jêh tâm ti may phung kon bunuyh, mpô mpa tâm bri jêh ri sĭm tâm trôk; nđâp lah ta ntŭk khân păng ăt păng ăn may chiă uănh lĕ rngôch. Pônây, May jêng bôk nây ƀư ma mah.

Yônais 4:11

Bi Gâp, mâm dĭng Gâp mâu nhhuach ma ƀon Ninive, yorlah tâm ƀon nây geh rmeh ma du rsen bar rmưn bunuyh mâu gĭt tâm rnglah ôh ti pa ma đah ti pa chiau, ndrel ma âk mpô mpa ta nây hĕ?”