Nau Mprơ Ơm 5:9 - Nau Brah Ndu Ngơi 2023

⁹ Yorlah trôm mbung khân păng mâu nanê̆, Nuih n'hâm khân păng bêng ma nau ƀư rai, Ko khân păng nâm bu môch pơk lơi, Mpiăt khân păng ngơi ma nau nklă.

Nau Mprơ Ơm 5:9 ပူးပေါင်းရင်းမြစ်များ

Êsra 8:21

Ta nây, dăch kơh dak krong Ahava, gâp kuăl ver ât sông sa, gay he ntrŭnh săk panăp măt Brah Ndu hên jêh ri dăn vơh vơl ma Păng ntĭm ăn gâp trong di gay hên jêh ri phung kon sau hên hăn, nđâp ma drăp ndơ hên.

Nau Mprơ Ơm 27:11

Ơ Brah Yêhôva! Dăn ntĭm nti gâp trong May; Dăn njŭn gâp lăp tâm trong lâng Ma yor lĕ phung rlăng gâp.

Nau Mprơ Ơm 51:6

Aơ, May ŭch nau nanê̆ ngăn tâm nuih n'hâm; May mra nti gâp ma nau blau mĭn ta ntŭk jru ndâp tâm nuih n'hâm gâp.

Nau Mprơ Ơm 52:2

May nchră ŭch ma nau ƀư rai. Mpiăt may tâm ban ma pêh poih hơr, Mbơh huy lĕ nau ndơm bu.

Nau Mprơ Ơm 62:4

Khân păng knŏng tâm nchră gay ma ƀư rlâm lơi păng bơh ntŭk bu yơk. Khân păng rŏng ma nau mƀruh, Bâr mbung ăn nau ueh uĭn Ƀiălah tâm nuih n'hâm khân păng rak rtăp. (Sêla)

Nau Mprơ Ơm 62:9

Nanê̆ phung bu mâu yơk knŏng jêng nsôr n'hâm dơm, Phung bu yơk knŏng nau dơm dam; Djôt dơm ta klơ njing, khân păng n'gơch tâm ban rsau. Lĕ rngôch n'gơch lơn tâm ban ma n'hâm.

Nau Mprơ Ơm 64:6

Khân păng nchră mĭn lĕ nau mhĭk jêh ri lah: “He ƀư lôch jêh nau ŭch ƀư dŭt ueh.” Nau mĭn jêh ri nuih n'hâm ăp nơm jêng mhĭk ngăn.

Nau Mprơ Ơm 69:19

May gĭt nau prêng gâp, Nau bêk prêng jêh ri nau ƀơ̆ gâp; Lĕ phung rlăng ma gâp gŭ tanăp măt May da dê.

Nau Hôr 29:5

Mbu nơm ngơi njĭp phung chiau meng, Jêng drăng nhuăl tâm dâng jâng păng nơm.

Êsai 26:7

Trong phung sŏng srăng jêng trong di; Ơ Nơm Sŏng Srăng, dăn May ƀư ăn lâng trong phung sŏng srăng.

Yêrêmi 17:9

Nuih n'hâm bu jêng mƀruh nchơt lơn ma lĕ ntil mpô mpa, Jêh ri jêng nau djơh mhĭk ngăn. Mbu nơm dơi gĭt?

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Mika 6:12

Yorlah phung ndrŏng ƀon aơ bêng ma nau ƀai, Phung ƀon lan păng jêng phung ngơi mƀruh Jêh ri mpiăt vay ndơm gŭ tâm trôm mbung khân păng.

Luka 11:39

Yor ri, Kôranh Brah lah: “Phung Pharisi khân may rao kloh padih ngan grưng jêh ri ngan khăl, ƀiălah tâm trôm bêng ma nau kơnh rlau ir jêh ri djơh mhĭk.

Luka 11:44

Rêh ni yơh ma khân may! Yorlah khân may nâm bu môch rngol jêh ri bu hăn jot ta klơ môch ƀiălah mâu gĭt năl ôh!”

Samƀŭt Pôl Njuăl Ăn Ma Phung Nsing Ta Ƀon Rôm 3:13

“Rmlông khân păng nâm bu trôm môch pơk huy;” “Khân păng dŏng mpiăt khân păng nơm mƀruh nchơt bu; Kăch bêh khih pôn tâm dâng ndôi khân păng.”

I Têsalônik 2:5

Yorlah khân may gĭt, jêh ri geh Brah Ndu jêng nơm mbơh, hên mâu mâp ôh dŏng lĕ nau ngơi ueh rlau keh ir, mâu lah ƀư kan yor ma nau kơnh drăp ndơ;