Nau Mprơ Ơm 5:4 - Nau Brah Ndu Ngơi 2023

⁴ Yorlah Kôranh Brah mâu di Brah Ndu rŏng ma nau ƀai ôh; Bunuyh mhĭk mâu dơi gŭ ndrel ma May ôh.

Nau Mprơ Ơm 5:4 ပူးပေါင်းရင်းမြစ်များ

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

Nau Mprơ Ơm 101:7

Nơm mƀruh ndơm mâu mra dơi gŭ tâm ngih gâp; Phung mƀruh nchơt mâu mra dơi gŭ ôh tanăp măt gâp.

Nau Mprơ Ơm 11:5

Brah Yêhôva sek uănh phung sŏng srăng nđâp ma phung djơh mhĭk, Jêh ri nuih n'hâm Păng tâm rmot ma phung ŭch ƀư nau janh ktang.

Nau Mprơ Ơm 140:13

Nanê̆ phung sŏng srăng mra tâm rnê lah ueh ma amoh May; Phung sŏng mra gŭ rêh tanăp May.

Nau Mprơ Ơm 50:21

Nây jêng nau may hŏ ƀư jêh, bi Gâp gŭ rklăk; May mĭn pô aơ Gâp ăt tâm ban ma may. Ƀiălah Gâp mra nduyh rmal may, Mpơl lĕ nau nây tanăp măt may.

Nau Mprơ Ơm 63:2

Ăn gâp gŭ uănh May tâm ngih kloh ueh. Gay uănh nau brah jêh ri nau chrêk rmah May.

Nau Mprơ Ơm 88:14

Ơ Brah Yêhôva! Mâm May chalơi huêng gâp, Jêh ri pôn muh măt May ma gâp?

Nau Mprơ Ơm 92:15

Gay tâm mpơl ma Brah Yêhôva jêng sŏng; Păng jêng lŭ toyh ma gâp, jêh ri tâm Păng mâu geh du ntil nau kue ôh.

Nau Mprơ Ơm 94:20

Phung chiă uănh djơh mhĭk dŏng nau vay ƀư ma phung ƀon lan geh nau rêh ni Di lĕ May tâm rnglăp đah khân păng?

Habakuk 1:13

Măt Kôranh Brah kloh ir mâu dơi uănh ôh nau mhĭk, Mâu dơi uănh ntreng ôh nau tih mhĭk. Mâm ƀư May uănh ma phung ƀư nau mƀruh nchơt? Mâm ƀư May gŭ klăk klêm, Lah bunuyh mhĭk sa rvăn bunuyh sŏng srăng lơn ma păng?

Malachi 2:17

Khân may hŏ rsuak jêh Brah Yêhôva ma nau khân may ngơi, khân may lah đŏng pô aơ: “Ntŭk geh hên ƀư rsuak Păng?” Nây jêng lah khân may ngơi: “Ăp nơm ƀư nau mhĭk jêng ueh tanăp măt Brah Yêhôva, jêh ri Păng ŭch ngăn phung bunuyh pônây.” Mâu lah ôp: “Ta ntŭk gŭ Brah Ndu nau sŏng?”

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

ហេឞ្រើ 12:14

Joi hom nau đăp mpăn ma lĕ rngôch bunuyh jêh ri tĭng joi nau kloh ueh; yorlah tơlah mâu gŭ kloh ueh, mâu geh du huê dơi saơ Kôranh Brah ôh.

II Pêtrôs 3:13

Ƀiălah tĭng nâm nau Păng ton, he kâp gân trôk mhe jêh ri neh ntu mhe jêng ntŭk nau sŏng srăng gŭ.

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.

Nau Tâm Mpơl 21:27

Lĕ rngôch phung ƀơ̆ ƀơch, nơm ƀư nau mưch rmot, nơm ngơi mƀruh mâu dơi lăp ƀon ôh, knŏng phung geh amoh nchih jêh tâm ndrom samƀŭt nau rêh Kon Biăp.