Nau Mprơ Ơm 5:3 - Nau Brah Ndu Ngơi 2023

³ Brah Yêhôva ơi! Ơm ôi May tăng bâr gâp; Ơm ôi gâp nhhơr nau kuăl mbơh sơm jêh ri gŭ kâp.

Nau Mprơ Ơm 5:3 ပူးပေါင်းရင်းမြစ်များ

Ndrom Samƀŭt bơh Yôp 34:28

Khân păng ƀư ma phung o ach lŭng nter tăng tât ma Kôranh Brah, Jêh ri Păng iăt nteh nhĭm bơh phung rêh ni.

Nau Mprơ Ơm 119:147

Gâp dâk lor ma ƀhit rvi ang jêh ri kuăl mbơh sơm; Gâp kâp gân jêh tâm nau May ngơi.

Nau Mprơ Ơm 130:2

Ơ Kôranh Brah! Iăt hom bâr gâp kuăl; Dăn tôr May gŭ rkêng ma bâr gâp vơh vơl dăn.

Nau Mprơ Ơm 130:6

Huêng gâp kâp gân ma Kôranh Brah Rlau lơn ma phung tahan gak kâp ang ôi, Nanê̆ rlau lơn ma phung tahan gak kâp ang ôi.

Nau Mprơ Ơm 145:1

Ơ Brah Ndu jêng Hađăch gâp, gâp mra yơk tâm rnê ma May, Mât ton ma amoh May tât ƀaƀơ n'ho ro.

Nau Mprơ Ơm 22:2

Ơ Brah Ndu gâp! Gâp kuăl nôk nar ƀiălah Kôranh Brah mâu plơ̆ lah, Dôl măng tâm ban pônây lĕ, ƀiălah gâp mâu geh gŭ rlu ôh.

Nau Mprơ Ơm 44:5

Yor May, hên mra ăn phung rlăng rŭch plơ̆; Ma amoh May, hên jot sôt phung rlăng.

Nau Mprơ Ơm 55:17

Mhaơ, kêng ôi jêh ri nar nklang bôk, Gâp mra nter vơh, rđêng nđor, Nanê̆ Păng mra tăng bâr gâp.

Nau Mprơ Ơm 69:16

Ơ Brah Yêhôva! Dăn mplơ̆ lah nau gâp yor nau ueh May jêng ueh; Tĭng nâm nau yô̆ nđach rmeh ler May, dăn n'gĭl ma gâp.

Nau Mprơ Ơm 74:12

Nđâp lah pônây, bơh kăl e, Brah Ndu jêng Hađăch gâp May ƀư nau tâm rklaih lam neh ntu.

Nau Mprơ Ơm 84:4

Ueh maak yơh phung dơi gŭ tâm ngih May! Khân păng mra mprơ tâm rnê ma May mro mrăng. (Sêla)

Nau Mprơ Ơm 88:13

Ƀiălah ơ Brah Yêhôva! Bi ma gâp, gâp vơh vơl ma May; Mbăt ang ôi, nau gâp mbơh sơm tât tanăp May.

Êsai 26:9

Dôl măng huêng gâp ji hir ma May; Ơ, nuih n'hâm gâp nđơr ŭch joi May. Yorlah nau May phat dôih ƀư jêh ta neh Phung gŭ tâm neh ntu nti gĭt nau sŏng srăng.

Nau Nhĭm Vơl 3:56

May tăng jêh nau gâp, Lơi ta nsêt ôh trôm tôr bơh nau gâp nter dăn nau kơl.

Markôs 1:35

Tât nar ôi taơ, ƀhit rvi ang, Brah Yêsu dâk, du luh, hăn lăp tâm ntŭk bri rdah jêh ri mbơh sơm ta nây.