Nau Mprơ Ơm 5:2 - Nau Brah Ndu Ngơi 2023

² Ơ Hađăch gâp, Brah Ndu gâp, Dăn iăt bâr gâp nter kuăl, Yorlah gâp mbơh sơm ma Kôranh Brah.

Nau Mprơ Ơm 5:2 ပူးပေါင်းရင်းမြစ်များ

I Phung Hađăch 8:28

Nđâp tơlah pônây, hơi Yêhôva jêng Brah Ndu gâp! Dăn May treng uănh ma nau mbơh sơm jêh ri nau vơl dăn oh mon May, dăn rkêng tôr iăt nau nter jêh ri nau oh mon May mbơh sơm nar aơ nhhơr tanăp măt May.

Nau Mprơ Ơm 10:16

Brah Yêhôva ƀư hađăch tât ƀaƀơ n'ho ro; Lĕ bri dak bu mra ƀư rai tă bơh neh Păng.

Nau Mprơ Ơm 145:1

Ơ Brah Ndu jêng Hađăch gâp, gâp mra yơk tâm rnê ma May, Mât ton ma amoh May tât ƀaƀơ n'ho ro.

Nau Mprơ Ơm 3:4

Bâr gâp kuăl nteh dăn ma Brah Yêhôva, Jêh ri tă bơh yôk kloh ueh, May plơ̆ lah ma gâp. (Sêla)

Nau Mprơ Ơm 44:4

May yơh jêng Hađăch jêh ri Brah Ndu gâp. Dăn ăn nau ntrŭnh tâm rklaih ma Yakôb.

Nau Mprơ Ơm 65:2

Ơ Kôranh Brah jêng Nơm gŭ iăt nau mbơh sơm! Lĕ rngôch nglay săk mra văch ta May da dê.

Nau Mprơ Ơm 74:12

Nđâp lah pônây, bơh kăl e, Brah Ndu jêng Hađăch gâp May ƀư nau tâm rklaih lam neh ntu.

Nau Mprơ Ơm 84:3

Ơ Brah Yêhôva ma phung tahan Jêng Hađăch gâp jêh ri jêng Brah Ndu gâp, Nđâp ma sĭm srai ăt dơi joi du ntŭk gay gŭ Jêh ri sĭm rlêng ăt dơi joi du ntŭk gay ƀư rsuăn păng deh kon, Jêng êp ntŭk nơng ƀư brah May.

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Nau Nhĭm Vơl 3:56

May tăng jêh nau gâp, Lơi ta nsêt ôh trôm tôr bơh nau gâp nter dăn nau kơl.