Nau Mprơ Ơm 5:11 - Nau Brah Ndu Ngơi 2023

¹¹ Ăn ma lĕ rngôch phung rnơm nơm ma Kôranh Brah dơi gŭ maak, Troh bâr răm maak ƀaƀơ, Yorlah Kôranh Brah king n'gang lĕ bunuyh nây. Bunuyh rŏng ma amoh Kôranh Brah mra geh nau răm maak đŏng tâm May.

Nau Mprơ Ơm 5:11 ပူးပေါင်းရင်းမြစ်များ

Ndrom Samƀŭt bơh Yôp 38:7

Tâm rnôk nây lĕ mănh mbing ôi mprơ ndrel n'grŭp, Phung kon bu klâu Brah Ndu troh nau mprơ hâk răm?

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Nau Mprơ Ơm 35:27

Bi ma nơm koh dŏng nau sŏng srăng ma gâp, Mra răm maak hâk răm; Jêh ri ngơi ƀaƀơ: “Brah Yêhôva dŭt toyh! Păng maak ăn nau ndrŏng ma phung oh mon Păng.”

Nau Mprơ Ơm 40:16

Ăn lĕ rngôch phung joi May Geh nau răm maak jêh ri hâk răm tâm May; Ăn phung rŏng ma nau May tâm rklaih Lah mro pô aơ: “Brah Yêhôva dŭt toyh ngăn!”

Nau Mprơ Ơm 58:10

Bunuyh sŏng srăng mra maak tơlah saơ nau plơng bôk; Khân păng mra rao jâng tâm mham phung mhĭk.

Nau Mprơ Ơm 65:13

Ndrêch gơ̆ bêng ma phung biăp, Lĕ rlŭng nkŭm ma ba răch; Lam ntŭk mprơ troh maak.

Nau Mprơ Ơm 68:3

Ƀiălah phung sŏng srăng mra răm maak, Hâk maak tanăp măt Brah Ndu; Ăn khân păng maak, răm rhơn.

Nau Mprơ Ơm 69:36

Noi deh phung oh mon Păng mra dơn drăp nây; Jêh ri bu nơm rŏng ma amoh Păng mra gŭ ta nây.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

I Kôrintô 2:9

Ƀiălah, tâm ban ma nau nchih: “Lĕ nau măt mâu mâp saơ, tôr mâu mâp tăng, Jêh ri nuih n'hâm mâu mâp mĭn Brah Ndu hŏ ơm rơm jêh ma phung bunuyh rŏng ma Păng.”

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

Phung Kôranh Phat Dôih 5:31

Ơ Brah Yêhôva, mbơh sơm ma lĕ rngôch phung rlăng May rai lôch tâm ban pônây. Bi phung rŏng yơk ma May tâm ban ma luh nar chrat ral!” Jêh nau nây, n'gor geh nau đăp mpăn tâm puăn jât năm.