Nau Mprơ Ơm 49:6 - Nau Brah Ndu Ngơi 2023

⁶ Khân păng rnơm nsing ma drăp ndơ khân păng nơm, Ntưih êng nơm geh drăp ndơ âk rmeh.

Nau Mprơ Ơm 49:6 ပူးပေါင်းရင်းမြစ်များ

Êsther 5:11

Y-Haman nkoch bri đŏng ma khân păng nau ndrŏng kuăng păng jêh ri âk kon bu klâu păng. Păng tâm mpơl đŏng lĕ rngôch nau hađăch ƀư ma păng, dơi geh bu yơk, jêh ri hađăch n'hao păng hao lơn ma phung kôranh jêh ri phung oh mon hađăch.

Nau Mprơ Ơm 112:7

Păng mâu klach ôh lĕ nau lư mhĭk; Nuih n'hâm păng nâp, rnơm nsing ma Brah Yêhôva.

Nau Mprơ Ơm 112:8

Nuih n'hâm păng jêng nâp mâu mâp klach ôh, Kŏ tât păng saơ lĕ phung rlăng ma păng roh rai.

Nau Mprơ Ơm 52:7

“Nây jêng nơm mâu rnơm Brah Ndu Ƀư ntŭk mbe krap ma păng Ƀiălah rnơm nsing ma nau ndrŏng kuăng rmeh ler, Jêh ri ƀư ma păng nâp ma nau djơh mhĭk!”

Nau Mprơ Ơm 56:5

Ăp nar khân păng ngơi ƀrôk lĕ nau gâp ngơi, Khân păng ŭch nchră mĭn ƀaƀơ gay ƀư mhĭk ma gâp.

Nau Mprơ Ơm 56:7

Khân păng djơh mhĭk nâm bu pônây dơi rklaih bơh nau tâm rmal lĕ? Ơ Brah Ndu, ăn hao nuih n'glưh lơi lĕ rngôch ƀon lan.

Nau Mprơ Ơm 62:10

Lơi ta rnơm ma nau tŭn jot, Mâu kâp gân ma nau dơm dam tâm nau ntŭng; Tơlah drăp ndơ ntop âk, lơi ăn nuih n'hâm khân may rnơm ta nây ôh.

Nau Hôr 10:15

Drăp ndơ jêng pôih nâp ngăn ma bunuyh ndrŏng kuăng, Nau ƀư rai jêng nau rêh ni ma phung o ach.

Nau Hôr 11:28

Mbu nơm rnơm nsing ma drăp ndơ păng nơm mra rlâm tŭp, Bi ma bunuyh sŏng srăng mra geh jêng lơn nâm bu n'ha si ndrêh.

Nau Hôr 23:5

Dôl may treng uănh tâm nau ndrŏng kuăng, di lĕ păng hŏ mpăr roh jêh? Nanê̆ păng chăt nting năr nâm bu klang ƀŭng, Jêh ri rpuh nting năr mpăr leo klơ trôk prêh.

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Ndrom Samƀŭt bơh Ôsê 12:8

Jêng bunuyh tăch drăp, păng djôt tâm ti păng njing nau ndơm, Păng rŏng tŭn jot.

Markôs 10:24

Phung oh mon hih rhâl ma nau aơ. Ƀiălah Brah Yêsu lah đŏng: “Hơi phung kon, phung bunuyh rnơm nsing ma nau ndrŏng gay lăp tâm ƀon bri hađăch Brah Ndu dŭt jêr ngăn.

Luka 12:19

Gâp mra lah ma huêng gâp pô aơ: Hơi huêng gâp, may geh âk drăp ndơ prăp jêh âk năm jêh. Gŭ rlu hom, sông sa nhêt, jêh ri răm maak hom.’

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.