Nau Mprơ Ơm 49:3 - Nau Brah Ndu Ngơi 2023

³ Bâr mbung gâp mra ngơi ma nau blau mĭn, Nau mĭn rvê bơh nuih n'hâm gâp jêng nau gĭt rbăng.

Nau Mprơ Ơm 49:3 ပူးပေါင်းရင်းမြစ်များ

Ndrom Samƀŭt bơh Yôp 33:3

Nau gâp ngơi ma nau di tâm nuih n'hâm gâp; Trôm mbung gâp ngơi nau gĭt rbăng du nau nanê̆ ngăn.

Ndrom Samƀŭt bơh Yôp 33:33

Tơlah mâu, iăt hom nau gâp; Gŭ klêm hom pôri gâp mra ntĭm ma may nau blau mĭn.”

Nau Mprơ Ơm 104:34

Ăn nau gâp mĭn dơi ƀư maak ma nuih n'hâm Păng; Yorlah gâp răm maak tâm Brah Yêhôva.

Nau Mprơ Ơm 119:130

Nau rblang bơh Nau Ngơi May djôt leo nau ang, Păng ăn nau gĭt rbăng ma phung tông bâr.

Nau Mprơ Ơm 19:14

Ơ Brah Yêhôva jêng Lŭ Toyh jêh ri Nơm Tâm Chuai gâp, Ăn bâr mbung nau gâp ngơi, Jêh ri nau mĭn rvê tâm nuih n'hâm gâp tĭng mĭn ueh May ŭch!

Nau Mprơ Ơm 37:30

Trôm mbung bunuyh sŏng ngơi nau blau mĭn, Mpiăt bunuyh nây nkoch nau sŏng.

Nau Mprơ Ơm 4:3

Khân may mra gĭt Brah Yêhôva hŏ prăp êng jêh bunuyh blau yơk ma Păng. Tơlah gâp kuăl mbơh sơm, Brah Yêhôva mra iăt nau gâp.

Nau Mprơ Ơm 45:1

Nuih n'hâm gâp bêng ler ma nau ueh ngăn; Gâp ngơi ma nau mprĭng aơ ma may; Mpiăt gâp tâm ban ma du mlâm mâng nchih du huê nơm nchih samƀŭt njêh.

Nau Hôr 22:17

Rkêng tôr iăt hom nau bunuyh blau mĭn ngơi, Mĭn rvê hom tâm nau blau mĭn gâp.

Mathay 12:35

Bunuyh ueh mpơl ndơ ueh tă bơh ntŭk prăp nau ueh păng; bi bunuyh mhĭk mpơl ndơ mhĭk tă bơh ntŭk prăp nau mhĭk.

Nau Vay Nkah Tay 32:2

Nau gâp ntĭm nti tŭp tâm ban ma dak mih, Nau gâp ngơi truh tâm ban ma dak ngom, Tâm ban ma dak mih djrah ta klơ gơ̆ nse, Nâm bu mih ntâng tâm mir.