2 Nđâp tơlah phung bu mâu yơk mâu lah phung bu yơk, Phung ndrŏng tâm ban ma phung o ach.
N'hơn lah Nơm mâu gŭ nding mpeh ma phung kôranh, Mâu lĕ uănh khlay ma phung ndrŏng âk lơn ma đah phung o ach, Yorlah lĕ rngôch bơh ti Păng rhăk njêng da dê.
Nanê̆ phung bu mâu yơk knŏng jêng nsôr n'hâm dơm, Phung bu yơk knŏng nau dơm dam; Djôt dơm ta klơ njing, khân păng n'gơch tâm ban rsau. Lĕ rngôch n'gơch lơn tâm ban ma n'hâm.
Phung ndrŏng jêh ri bunuyh o ach tâm mâp ndrel da dê; Brah Yêhôva hŏ rhăk njêng lĕ bar.
Hơi lĕ bri dak văch dăch hom, gay tăng, Ơ phung ƀon lan, rkêng tôr iăt hom! Rplay neh jêh ri lĕ rngôch ndơ tâm păng, Neh ntu jêh ri lĕ mpa luh bơh păng, Rkêng tôr hom!
Hơi lĕ rngôch phung ƀon lan, iăt hom! Hơi neh ntu jêh ri lĕ rngôch ndô ndơ ta klơ neh, rkêng tôr iăt hom! Kôranh Brah Yêhôva tă bơh ngih kloh ueh Păng, Dăn Kôranh Brah mbơh nau tâm rdâng đah khân may!